പൊൻകുന്നം: സമൂഹമാധ്യമം വഴി വീട്ടമ്മക്ക് അശ്ലീല സന്ദേശവും ഫോട്ടോകളും അയച്ചയാൾ അറസ്റ്റിൽ. സുൽത്താൻബത്തേരി നെന്മേനി ചുള്ളിയോട് ആലപ്പാറ ഇളംമ്പാശേരി വിട്ടിൽ റോയി എബ്രഹാമിനെയാണ് (45) വയനാട്ടിൽനിന്ന് അറസ്റ്റ് ചെയ്തത്.
കഴിഞ്ഞ ഏപ്രിൽ മുതലാണ് പൊൻകുന്നം സ്വദേശിനിയായ വീട്ടമ്മയുടെ ഫോണിലേക്ക് വാട്സ്ആപ് വഴി സന്ദേശങ്ങൾ വരാൻ തുടങ്ങിയത്. ‘ഗുഡ്നൈറ്റിൽ’ ആരംഭിച്ച സന്ദേശങ്ങളുടെ വ്യാപ്തി ഏറുകയും അശ്ലീല ചിത്രങ്ങൾ സന്ദേശങ്ങളിൽ ഉൾപ്പെടുകയും ചെയ്തതോടെ വീട്ടുകാർ ഇയാളെ ഫോണിൽ വിളിച്ച് വിലക്കിയിരുന്നു. എന്നാൽ, തുടർന്നും സന്ദേശങ്ങളും ഫോട്ടോയും അയക്കുന്നത് പതിവായതോടെ പൊൻകുന്നം പൊലീസിൽ പരാതി നൽകി.
പൊലീസിെൻറ നിർദേശാനുസരണം സന്ദേശങ്ങൾ വരുന്ന ഫോൺ നമ്പർ ബ്ലോക്ക് ചെയ്തെങ്കിലും മറ്റൊരു ഫോൺ നമ്പർ വഴി വീണ്ടും സന്ദേശങ്ങൾ അയക്കുകയായിരുന്നു. ഇതോടെ വീട്ടുകാർ ഉന്നത പൊലീസ് അധികൃതർക്ക് പരാതി നൽകുകയും അന്വേഷണത്തിനൊടുവിൽ റോയി എബ്രഹാമിനെ അറസ്റ്റ് ചെയ്യുകയുമായിരുന്നു. സമാന കുറ്റകൃത്യത്തിന് ഇയാൾ കണ്ണൂർ ജില്ലയിൽ ജയിൽശിക്ഷ അനുഭവിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.