തിരുവമ്പാടി: ആനക്കാംപൊയിൽ പതങ്കയത്ത് ഇരുവഴിഞ്ഞിപുഴയിൽ ഒഴുക്കിൽപെട്ട് കാണാതായ മലപ്പുറം പെരുവള്ളൂർ സ്വദേശി ആശിഖിെൻറ (23) മൃതദേഹം കണ്ടെത്തി. പതങ്കയത്തിന് 200 മീറ്റർ താഴെനിന്നാണ് ബുധനാഴ്ച ഉച്ചക്കുശേഷം മൂന്നോടെ മൃതദേഹം കണ്ടെത്തിയത്.
സമീപത്തെ പമ്പ്ഹൗസിലുള്ളവരാണ് മൃതദേഹം കണ്ടത്. പാറകൾക്കിടയിൽ കുടുങ്ങിക്കിടക്കുകയായിരുന്നു മൃതദേഹം. അഗ്നിശമന സേനയും ദേശീയ ദുരന്തനിവാരണ സേനയും സന്നദ്ധ പ്രവർത്തകരും കഴിഞ്ഞ എട്ടു ദിവസമായി പുഴയിൽ തിരച്ചിൽ നടത്തി വരികയായിരുന്നു.
തിരുവോണദിനത്തിൽ ആറംഗ സുഹൃത്തുക്കൾക്കൊപ്പം വിനോദ സഞ്ചാരത്തിനെത്തിയതായിരുന്നു ആശിഖ്. പുഴയിൽ കുളിച്ചുകൊണ്ടിരിക്കെ ഒഴുക്കിൽപ്പെടുകയായിരുന്നു. ജ്വല്ലറി സെയിൽസ്മാനായിരുന്നു ആശിഖ്. ഫകാടപ്പടി നടുക്കര നാടശ്ശേരി അബ്ദുൽ ലത്തീഫ്-സാജിത ദമ്പതികളുടെ മകനാണ്. സഹോദരിമാർ: ഷംന, ഷഹാന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.