നെടുമ്പാശ്ശേരി: തെരഞ്ഞെടുപ്പ് പര്യടനത്തിനായി കേന്ദ്ര ആഭ്യന്തര മന്ത്രി അമിത് ഷാ െകാച്ചിയിലെത്തി. ചൊവ്വാഴ്ച രാത്രി ഒമ്പതിന് പ്രത്യേക വിമാനത്തിൽ കൊച്ചി വിമാനത്താവളത്തിൽ ഇറങ്ങിയ അദ്ദേഹത്തെ ബി.ജെ.പി ദേശീയ നിർവാഹക സമിതി അംഗം സി.പി. രാധാകൃഷ്ണൻ, സംസ്ഥാന ജനറൽ സെക്രട്ടറി ജോർജ് കുര്യൻ, സംസ്ഥാന സെക്രട്ടറിമാരായ രേണു സുരേഷ്, സിന്ധുമോൾ, എറണാകുളം ജില്ല പ്രസിഡൻറ് എസ്. ജയകൃഷ്ണൻ തുടങ്ങിയവർ ചേർന്ന് സ്വീകരിച്ചു.
നെടുമ്പാശ്ശേരി മാരിയറ്റ് ഹോട്ടലിലേക്ക് പോയ അദ്ദേഹം തൃശൂർ, എറണാകുളം ജില്ലകളിലെ നിയോജക മണ്ഡലം പ്രസിഡൻറുമാരും തെരഞ്ഞെടുപ്പ് ചുമതലയുള്ളവരുമായും കൂടിക്കാഴ്ച നടത്തി.
ബുധനാഴ്ച രാവിലെ തൃപ്പൂണിത്തുറയിലേക്ക് പോകും. അവിടെ റോഡ് ഷോയിൽ പങ്കെടുത്തശേഷം കാഞ്ഞിരപ്പള്ളിയിലേക്ക് തിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.