ഗൂഡല്ലൂർ: വീട്ടുമുറ്റത്ത് കളിക്കുകയായിരുന്ന നാലു വയസ്സുകാരിയെ കടുവ കടിച്ചുകൊണ്ടുപോയി കൊന്നു. ഊട്ടി തേനാട്കബൈ അരക്കോട് മൈനലാമട്ടത്ത് സ്വകാര്യ വ്യക്തിയുടെ തേയില തോട്ടത്തിന് സമീപം വീട്ടുമുറ്റത്ത് കളിക്കുകയായിരുന്ന നിഷാന്തിന്റെ മകൾ സരിത (4) യെയാണ് കടുവ കൊന്നത്.
ബുധനാഴ്ച ഉച്ചക്കാണ് സംഭവം. കുട്ടിയെ ഒരു മൃഗം കടിച്ചുകൊണ്ടു പോകുന്നത് സമീപവാസികളുടെ ശ്രദ്ധയിൽപെട്ടു. തുടർന്ന് നടത്തിയ തിരച്ചിലിനിടെയാണ് കുറച്ച് അകലെയായി കഴുത്തിൽ മുറിവുകളുമായി കുട്ടി രക്തത്തിൽ കുളിച്ചു കിടക്കുന്നത് കണ്ടത്.
ഉടനെ ജില്ല ആശുപത്രിയിൽ എത്തിച്ചെങ്കിലും കുട്ടി നേരത്തെ മരിച്ചതായി ഡോക്ടർമാർ അറിയിച്ചു. കുട്ടി കിടന്ന ഭാഗത്ത് കാൽപ്പാടുകൾ കണ്ടതോടെയാണ് കുട്ടിയെ ആക്രമിച്ചത് കടുവയാണെന്ന് സ്ഥിരീകരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.