മുക്കം: സംസ്ഥാന പാതയിലുണ്ടായ വാഹനാപകടത്തിൽ യുവാവ് മരിച്ചു. കൊടിയത്തൂർ താളത്തിൽ കോട്ടമ്മൽ ഇസ്മായിലിന്റെ മകൻ ഫൈസൽ (45) ആണ് മരിച്ചത്. മുക്കം അഗസ്ത്യമുഴി പാലത്തിന് സമീപം ശനിയാഴ്ച വൈകുന്നേരം 4 മണിയോടെയായിരുന്നു അപകടം. അഗസ്ത്യമുഴിയിൽ നിന്നും മുക്കത്തേക്ക് വരികയായിരുന്ന ഫൈസലിന്റെ ബൈക്കിനു പിന്നിൽ ഇതേ ദിശയിൽ കോഴിക്കോട് നിന്നും മുക്കത്തേക്ക് വരികയായിരുന്ന KL 57 M
5137 നീലഗിരി ബസ്സ് ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇയാൾ തൽക്ഷണം മരിക്കുകയായിരുന്നു. മൃതദേഹം കോഴിക്കോട് മെഡിക്കൽ കോളെജ് ആശുപത്രിയിലേക്ക് മാറ്റി. മുക്കം ആശുപത്രി ജങ്ഷനടുത്ത് കോട്ടമ്മൽ സ്റ്റീൽസ് എന്ന സ്ഥാപനം നടത്തി വരികയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.