കണ്ണൂര്‍: ഐ.എസ് ബന്ധം ആരോപിക്കപ്പെടുന്ന തിരോധാന കേസന്വേഷണവുമായി ബന്ധപ്പെട്ട് പള്ളി ഖതീബ് വയനാട് കമ്പളക്കാട് തോട്ടിമ്മര്‍ ഹൗസില്‍ ഹനീഫയെ (26) മുംബൈ പൊലീസ് അറസ്റ്റ് ചെയ്തു. തിരോധാന കേസന്വേഷിക്കുന്ന കേരള സ്പെഷല്‍ ഇന്‍വെസ്റ്റിഗേഷന്‍ ടീം കസ്റ്റഡിയിലെടുത്ത് ചോദ്യംചെയ്ത ശേഷമാണ് മുംബൈ പൊലീസിന് വിട്ടുകൊടുത്തത്. പെരിങ്ങത്തൂര്‍ പുല്ലൂക്കര സലഫി മസ്ജിദ് ഖതീബായ ഹനീഫയെ ഒരാഴ്ചമുമ്പ് ചോദ്യംചെയ്യാന്‍ വിളിപ്പിച്ചിരുന്നു. തിരോധാനവുമായി ബന്ധപ്പെട്ട് കൂടുതല്‍ തെളിവ് കിട്ടിയതിനാലാണ് മുംബൈ പൊലീസിന് കൈമാറിയതെന്ന് സ്പെഷല്‍ ടീം വൃത്തങ്ങള്‍ അറിയിച്ചു. കാണാതായ പടന്നയിലെ അഷ്ഫാഖിന്‍െറ മുംബൈയിലുള്ള പിതാവ് നല്‍കിയ പരാതിയുടെ അടിസ്ഥാനത്തിലാണ് അറസ്റ്റെന്ന് പൊലീസ് വെളിപ്പെടുത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.