കേരളത്തിൽ ഇന്നും നാളെയും ചൂട് അതികഠിനമാകും

തിരുവനന്തപുര: കേരളത്തിൽ കൊടുംചൂടുണ്ടാകുമെന്ന് കേന്ദ്ര കാലാവസ്ഥാവകുപ്പിന്‍റെ മുന്നറിയിപ്പ്. പൊതുവേ സംസ്ഥാനത്ത് താപനില ഉയരും. ഒറ്റപ്പെട്ട സ്ഥലങ്ങളിൽ കടുത്ത ചൂട് അനുഭവപ്പെടും. ചിലയിടങ്ങളിൽ 3 മുതൽ 4 ഡിഗ്രി സെൽഷ്യസ് വരെ ചൂട് കൂടുമെന്നാണ് കാലാവസ്ഥാവകുപ്പിന്‍റെ പ്രവചനം. ഇന്നും നാളെയും അതികഠിനമായ ചൂടുണ്ടാകുമെന്നാണ് മുന്നറിയിപ്പ്. വരണ്ട കാറ്റുവീശുന്നതും ചൂട് വർധിപ്പിക്കാൻ കാരണമാകും.

രാവിലെ 11മണി മുതൽ മൂന്ന് മണിവരെ വെയിൽ കൊള്ളരുതെന്നും ദുരന്ത നിവാരണ സമിതി മുന്നറിയിപ്പ് നൽകിയിട്ടുണ്ട്.