പശു ഇറച്ചിയും തിന്നാനുള്ള സ്വാതന്ത്ര്യം വേണമെന്ന് വി.ടി ബൽറാം

കോഴിക്കോട്: കേരള ഹൗസിലെ ബീഫ് റെയ്ഡിനെതിരെ ഫേസ്ബുക് പോസ്റ്റുമായി കോൺഗ്രസ് എം.എൽ.എ വി.ടി ബൽറാം. പോത്തിറച്ചി മാത്രമല്ല, പശു ഇറച്ചിയും തിന്നാനുള്ള സ്വാതന്ത്ര്യം ഏതൊരു ഇന്ത്യാക്കാരനും ഉണ്ടാകണമെന്ന് ബൽറാം ഫേസ്ബുക് കുറിപ്പിൽ ചൂണ്ടിക്കാട്ടുന്നു, അതുപോലെ താൽപര്യമില്ലാത്തവർക്ക് മാംസം വേണ്ടെന്ന് െവക്കാനും സ്വാതന്ത്ര്യം ഉണ്ടാവണമെന്നും അദ്ദേഹം പറയുന്നു.  വിശ്വാസപരമായ കാരണങ്ങളാലാണ് പല സംസ്ഥാനങ്ങളിലും ഗോവധം നിരോധിച്ചിട്ടുള്ളതെങ്കിൽ അവ അടിയന്തിരമായി എടുത്തുകളയണമെന്നും ബൽറാം ആവശ്യപ്പെടുന്നു.