മോദിയുടെ ഗാരന്റി മുസ്‍ലിം വിദ്വേഷം’

ശ​ക്ത​മാ​യ ത്രി​കോ​ണ മ​ത്സ​ര​ത്തി​ൽ അ​സ​ദു​ദ്ദീ​ൻ ഉ​വൈ​സി​യു​ടെ അ​ഖി​ലേ​ന്ത്യാ മ​ജ്‍ലി​സെ ഇ​ത്തി​ഹാ​ദു​ൽ മു​സ്‍ലി​മൂ​ൻ (എ.​ഐ.​എം.​ഐ.​എം) വി​ജ​യ പ്ര​തീ​ക്ഷ പു​ല​ർ​ത്തു​ന്ന ബി​ഹാ​റി​ലെ ഏ​ക സീ​റ്റാ​ണ് കി​ഷ​ൻ​ഗ​ഞ്ച്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ഞ്ച് മ​ജ്‍ലി​സ് സ്ഥാ​നാ​ർ​ഥി​ക​ളെ ജ​യി​പ്പി​ച്ച സീ​മാ​ഞ്ച​ൽ മേ​ഖ​ല​യി​ലെ നാ​ലി​ലൊ​രു ജി​ല്ല. പാ​ർ​ട്ടി​യു​ടെ സം​സ്ഥാ​ന പ്ര​സി​ഡ​ന്റ് കൂ​ടി​യാ​യ മ​ജ്‍ലി​സ് സ്ഥാ​നാ​ർ​ഥി അ​ക്ത​റു​ൽ ഈ​മാ​ന്റെ പ്ര​ചാ​ര​ണ​ത്തി​ന് ജ​ന​ത ക​ന​യ്യ​ബാ​ഡി​യി​ൽ എ​ത്തി​യ അ​സ​ദു​ദ്ദീ​ൻ ഉ​വൈ​സി എം.​പി ‘മാ​ധ്യ​മ’​ത്തി​ന് ന​ൽ​കി​യ അ​ഭി​മു​ഖം

• ലോ​ക്സ​ഭ തെ​ര​ഞ്ഞെ​ടു​പ്പ് ര​ണ്ടാം ഘ​ട്ട​ത്തി​ലേ​ക്ക് ക​ട​ന്ന​പ്പോ​ൾ പ്ര​ധാ​ന​മ​ന്ത്രി​യും ബി.​ജെ.​പി​യും ശ​ക്ത​മാ​യ വി​ദ്വേ​ഷ പ്ര​ചാ​ര​ണ​ത്തി​ലേ​ക്ക് നീ​ങ്ങി​യി​രി​ക്കു​ന്നു. എ​ന്തു തോ​ന്നു​ന്നു?

മു​സ്‍ലിം​ക​ളും ഈ ​രാ​ജ്യ​ത്തി​ന്റെ ജ​ന​ത​യാ​ണ്. രാ​ജ്യ​ത്തെ 140 കോ​ടി ജ​ന​ങ്ങ​ളു​ടെ പ്ര​ധാ​ന​മ​ന്ത്രി മു​സ്‍ലിം​ക​ളു​ടെ​യും പ്ര​ധാ​ന​മ​ന്ത്രി​യ​ല്ലേ? സ്വ​ന്തം ജ​ന​ത​ക്കെ​തി​രെ​യാ​ണ് മോ​ദി വി​ദ്വേ​ഷം പ്ര​ച​രി​പ്പി​ക്കു​ന്ന​ത്. താ​ൻ രാ​ജ്യ​ത്തെ 140 കോ​ടി ജ​ന​ങ്ങ​ളു​ടെ പ്ര​ധാ​ന​മ​ന്ത്രി​യാ​ണെ​ന്ന് മോ​ദി ആ​ലോ​ചി​ക്കു​ന്നി​ല്ല. ‘സ​ബ് കാ ​സാ​ഥ്, സ​ബ് കാ ​വി​കാ​സ്, സ​ബ്കാ വി​ശ്വാ​സ്’ എ​ന്ന് പ​റ​ഞ്ഞി​രു​ന്ന പ്ര​ധാ​ന​മ​ന്ത്രി വി​ദ്വേ​ഷ പ്ര​ചാ​ര​ണം അ​വ​സാ​നി​പ്പി​ക്ക​ണം. പ്ര​ധാ​ന​മ​ന്ത്രി ഈ ​പ​ണി​ക്കി​റ​ങ്ങി​യാ​ൽ തെ​ര​ഞ്ഞെ​ടു​പ്പ് ക​ഴി​ഞ്ഞാ​ലും രാ​ജ്യ​ത്ത് വി​ദ്വേ​ഷം വ്യാ​പി​ക്കും.

• തെ​ര​ഞ്ഞെ​ടു​പ്പ് ച​ർ​ച്ച ജ​ന​ജീ​വി​ത​ത്തെ ബാ​ധി​ക്കു​ന്ന യ​ഥാ​ർ​ഥ പ്ര​ശ്ന​ങ്ങ​ളി​ൽ​നി​ന്ന് മാ​റി നു​ഴ​ഞ്ഞു​ക​യ​റ്റ​ക്കാ​രെ കു​റി​ച്ചും ​നേ​താ​ക്ക​ളു​ടെ​യും അ​വ​രു​ടെ പി​താ​ക്ക​ന്മാ​രു​ടെ​യും മ​ക്ക​ളു​ടെ എ​ണ്ണ​ത്തെ​ക്കു​റി​ച്ചും ആ​യി മാ​റി​യ​ത് എ​ന്തു കൊ​ണ്ടാ​ണ്​?

രാ​ജ്യ​ത്തി​ന്റെ പ്ര​ധാ​ന​മ​ന്ത്രി​യാ​ണി​ത് ചെ​യ്യു​ന്ന​ത്. മോ​ദി​യ​ട​ക്കം അ​ദ്ദേ​ഹ​ത്തി​ന്റെ പി​താ​വി​ന് ആ​റ് മ​ക്ക​ളാ​ണ്. അ​മി​ത് ഷാ​ക്ക് ആ​റ് സ​ഹോ​ദ​ര​ങ്ങ​ളാ​ണ്. ആ​രാ​ണ് ഇ​ത്ത​ര​മൊ​രു ച​ർ​ച്ച​ക്ക് തു​ട​ക്ക​മി​ട്ട​ത്. പ്ര​ധാ​ന​മ​ന്ത്രി ന​രേ​​ന്ദ്ര മോ​ദി​ക്ക് ഒ​രോ​യൊ​രു ഗാ​ര​ന്റി​യേ​യു​ള്ളൂ. രാ​ജ്യ​ത്തെ മു​സ്‍ലിം​ക​ളോ​ടു​ള്ള വി​ദ്വേ​ഷ​മാ​ണ​ത്. രാ​ജ്യ​ത്തി​ന്റെ പ്ര​ധാ​ന​മ​ന്ത്രി ഹി​റ്റ്ല​റു​ടെ ഭാ​ഷ​യി​ൽ സം​സാ​രി​ക്കു​ന്ന​ത് അ​സ്വ​സ്ഥ​ത​യു​ണ്ടാ​ക്കു​ന്ന​താ​ണ്.

രാ​ജ്യ​ത്തി​ന്റെ പ്ര​ധാ​ന​മ​ന്ത്രി എ​ന്ന നി​ല​യി​ല​ല്ല അ​ദ്ദേ​ഹം സം​സാ​രി​ക്കു​ന്ന​ത്. അ​താ​ണ് ത​ന്നെ വേ​ദ​നി​പ്പി​ക്കു​ന്ന​ത്. മോ​ദി​ക്ക് കോ​ൺ​ഗ്ര​സി​നെ​ക്കു​റി​ച്ചോ ഏ​തെ​ങ്കി​ലും പാ​ർ​ട്ടി​യെ​ക്കു​റി​ച്ചോ പ​റ​യ​ണ​മെ​ന്നു​ണ്ടെ​ങ്കി​ൽ പ​റ​ഞ്ഞോ​ളൂ. എ​ന്നാ​ൽ, രാ​ജ്യ​ത്തി​ന്റെ പ്ര​ധാ​ന​മ​ന്ത്രി​ക്ക് ഒ​രു സ​മു​ദാ​യ​ത്തെ ഇ​ത്ത​ര​ത്തി​ൽ ചീ​ത്ത വി​ളി​ക്കാ​നാ​കു​മോ​?

• ഹി​ന്ദു സ​ഹോ​ദ​രി​മാ​രു​ടെ ‘മം​ഗ​ൾ സൂ​ത്ര’ ക​വ​ർ​ന്നെ​ടു​ത്ത് മു​സ്‍ലിം​ക​ൾ​ക്ക് വീ​തം​വെ​ക്കു​മെ​ന്ന് പ​റ​ഞ്ഞ​തി​നോ​ട്​ എ​ന്ത് തി​രി​ച്ചു​പ​റ​യു​ന്നു?

ഹി​ന്ദു സ​മു​ദാ​യ​ത്തി​ലെ ഉ​ന്ന​ത ജാ​തി​ക്കാ​രു​ടെ​യും ഒ.​ബി.​സി​ക്കാ​രു​ടെ​യും മ​ക്ക​ളെ​ല്ലാ​വ​രും ത​ങ്ങ​ളു​ടെ പി​താ​മ​ഹ​ന്മാ​രെ​പോ​ലെ സ​മ്പാ​ദി​ക്കു​ന്നു​ണ്ട്. ഏ​റ്റ​വും കു​റ​വ് സ​മ്പാ​ദി​ക്കു​ന്ന​ത് മു​സ്‍ലിം​ക​ളാ​ണ്. ന​രേ​ന്ദ്ര മോ​ദി ന്യൂ​ന​പ​ക്ഷ​ങ്ങ​ളു​ടെ പ്രീ​മെ​ട്രി​ക് സ്കോ​ള​ർ​ഷി​പ് ഒ​മ്പ​താം ക്ലാ​സി​ന് മു​ക​ളി​ലേ​ക്ക് മാ​ത്ര​മാ​ക്കി. ബ​ജ​റ്റ് വി​ഹി​തം 40 ശ​ത​മാ​നം വെ​ട്ടി​ക്കു​റ​ച്ചു. അ​തേ ന​രേ​ന്ദ്ര മോ​ദി രാ​ജ്യ​ത്തി​ന്റെ 40 ശ​ത​മാ​നം സ​മ്പാ​ദ്യം ഒ​രു ശ​ത​മാ​ന​ത്തി​ന് ന​ൽ​കി.

കോ​വി​ഡ് കാ​ല​ത്ത് ന​ദി​ക​ളി​ൽ മൃ​ത​ശ​രീ​ര​ങ്ങ​ൾ ഒ​ഴു​കി​ന​ട​ക്കു​ക​യാ​യി​രു​ന്നു. ന​മ്മു​ടെ സ​ഹോ​ദ​രി​മാ​ർ വി​ധ​വ​ക​ളാ​യി. അ​വ​രെ​ക്കു​റി​ച്ചും മോ​ദി വ​ല്ല​തും പ​റ​യ​ണം. രാ​ജ്യ​ത്തി​ന്റെ പ്ര​ധാ​ന​മ​ന്ത്രി എ​ത്ര​കാ​ലം വി​ദ്വേ​ഷം പ​ട​ർ​ത്തും? എ​ത്ര​കാ​ലം മം​ഗ​ൾ സൂ​ത്ര (കെ​ട്ടു​താ​ലി)​യു​ടെ കാ​ര്യം പ​റ​ഞ്ഞു​ന​ട​ക്കും? മം​ഗ​ൾ​സൂ​ത്ര അ​ണി​യു​ന്ന​വ​രു​ടെ മാ​ത്രം പ്ര​ധാ​ന​മ​ന്ത്രി​യാ​ണോ താ​നെ​ന്ന് അ​ദ്ദേ​ഹം പ​റ​യ​ണം. 140 കോ​ടി ജ​ന​ങ്ങ​ളു​ടെ പ്ര​ധാ​ന​മ​ന്ത്രി​യാ​യി മാ​റു​ക​യാ​ണ് മോ​ദി ചെ​​യ്യേ​ണ്ട​ത്.

• വി​ദ്വേ​ഷ പ്ര​ചാ​ര​ണ​ത്തി​നെ​തി​രെ സം​സാ​രി​ക്കു​ന്ന താ​ങ്ക​ൾ​ക്കെ​തി​രെ​യും വി​ദ്വേ​ഷ പ്ര​ചാ​ര​ണം ന​ട​ക്കു​ന്നു. കൂ​ടു​ത​ലും പ്ര​തി​പ​ക്ഷ പാ​ർ​ട്ടി​ക​ളി​ൽ​നി​ന്നാ​ണ് ഈ ​പ്ര​ചാ​ര​ണം. താ​ങ്ക​ളോ​ട് ഇ​ത്ത​ര​ത്തി​ൽ വി​ദ്വേ​ഷം വെ​ച്ചു​പു​ല​ർ​ത്തു​ന്ന​തി​ന്റെ കാ​ര​ണ​മെ​ന്താ​ണ്​?

ഞ​ങ്ങ​ളോ​ട് ആ​രെ​ങ്കി​ലും വി​ദ്വേ​ഷം കാ​ണി​ച്ചോ​ട്ടെ, അ​ത് ഞ​ങ്ങ​ൾ​ക്ക് പ്ര​ശ്ന​മ​ല്ല. എ​ന്നാ​ലും ഞ​ങ്ങ​ൾ ആ​രോ​ടും ​വി​ദ്വേ​ഷം വെ​ച്ചു​പു​ല​ർ​ത്തു​ക​യി​ല്ല. ഇ​താ​ണ് ഞ​ങ്ങ​ളും അ​വ​രും ത​മ്മി​ലു​ള്ള വ്യ​ത്യാ​സം. ജ​നം കാ​ണി​ക്കു​ന്ന ഈ ​സ്നേ​ഹ​മാ​ണ് ഞ​ങ്ങ​ൾ​ക്കു​ള്ള സ​മ്മ​തി​യും സ​മ്പാ​ദ്യ​വും ആ​ദ​ര​വും.

• ക​ഴി​ഞ്ഞ ബി​ഹാ​ർ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സീ​മാ​ഞ്ച​ൽ മേ​ഖ​ല​യെ അ​മ്പ​ര​പ്പി​ച്ച വി​ജ​യ​മാ​ണ് മ​ജ്‍ലി​സെ ഇ​ത്തി​ഹാ​ദു​ൽ മു​സ്‍ലി​മൂ​ൻ നേ​ടി​യ​ത്. എ​ന്നാ​ൽ, അ​ന്ന് മ​ജ്‍ലി​സ് എം.​എ​ൽ.​എ​മാ​രാ​യി ജ​യി​ച്ച​വ​രെ​ല്ലം കൂ​റു​മാ​റി ആ​ർ.​ജെ.​ഡി​യോ​ടൊ​പ്പം ചേ​ർ​ന്നു. എ​ന്നി​ട്ടും കി​ഷ​ൻ​ഗ​ഞ്ചി​ൽ വി​ജ​യ​പ്ര​തീ​ക്ഷ​യു​ണ്ടോ?

സീ​മാ​ഞ്ച​ലി​ൽ നി​യ​മ​സ​ഭ തെ​ര​ഞ്ഞെ​ടു​പ്പി​ൽ നേ​ടി​യ അ​തേ വി​ജ​യം ഈ ​ലോ​ക്സ​ഭ തെ​ര​ഞ്ഞെ​ടു​പ്പി​ലും ആ​വ​ർ​ത്തി​ക്കും. കി​ഷ​ൻ​ഗ​ഞ്ചി​ലെ ജ​ന​ത അ​ക്ത​റു​ൽ ഈ​മാ​ന് ഭൂ​രി​പ​ക്ഷം ന​ൽ​കി ത​ങ്ങ​ളു​ടെ പു​തി​യ എം.​പി​യാ​യി ലോ​ക്സ​ഭ​യി​ലെ​ത്തി​ക്കും. കോ​ൺ​ഗ്ര​സി​ന്റെ സി​റ്റി​ങ് എം.​പി ഡോ. ​ജാ​വേ​ദി​നെ ക​ഴി​ഞ്ഞ അ​ഞ്ച് വ​ർ​ഷം ഈ ​മ​ണ്ഡ​ല​ത്തി​ലെ​വി​ടെ​യും ക​ണ്ടി​ട്ടി​ല്ല.

ഡോ. ​ജാ​വേ​ദി​നെ ക​ണ്ടി​രു​ന്നോ എ​ന്ന് ഈ ​മ​ണ്ഡ​ല​ത്തി​ലെ ഏ​തെ​ങ്കി​ലു​മൊ​രു വോ​ട്ട​റെ സ​മീ​പി​ച്ച് താ​ങ്ക​ൾ ചോ​ദി​ച്ചു​നോ​ക്കൂ. കി​ഷ​ൻ ഗ​ഞ്ചി​ൽ എ​വി​ടെ​യും ജാ​വേ​ദി​നെ ക​ണ്ടി​ല്ല. ഒ​രു പ​ണി​യു​മെ​ടു​ത്തി​ല്ല. അ​ത് കൊ​ണ്ടാ​ണ് കി​ഷ​ൻ​ഗ​ഞ്ചി​ലെ ജ​ന​ത ഇ​ക്കു​റി അ​ക്ത​റു​ൽ ഈ​മാ​നെ വി​ജ​യി​പ്പി​ക്കാ​നി​റ​ങ്ങി​യി​രി​ക്കു​ന്ന​ത്. വി​ക​സ​ന​വും നീ​തി​യു​മാ​ണ് സീ​മാ​ഞ്ച​ലി​​ന് വേ​ണ്ട​ത്. അ​തി​നാ​ണ് അ​ക്ത​റു​ൽ ഈ​മാ​ന്റെ മു​ൻ​ഗ​ണ​ന.