ചെന്നൈ: ജന്മദിനത്തിൽ സുഹൃത്തിനൊപ്പം പാർക്കിലെത്തിയ 11ാം ക്ലാസ് വിദ്യാർഥിനിയെ ആറംഗ സംഘം കൂട്ടബലാത്സംഗത്തിനി രയാക്കി. പ്രതികളിൽ നാല് പേരെ പൊലീസ് അറസ്റ്റ് ചെയ്തു.
കഴിഞ്ഞ ചൊവ്വാഴ്ചയാണ് സംഭവം. സുഹൃത്തിനൊപ്പം പാർക്കിലെ ത്തിയ വിദ്യാർഥിനി വീട്ടിലേക്ക് മടങ്ങുന്നതിനിടെ ആറ് പേർ ചേർന്ന് തടഞ്ഞുവെക്കുകയായിരുന്നു. സൃഹൃത്തിനെ മർദിച്ച ശേഷം പെൺകുട്ടിയെ ആളൊഴിഞ്ഞ ഇടത്തേക്ക് വലിച്ചിഴച്ച് കൊണ്ടുപോയി ബലാത്സംഗത്തിനിരയാക്കി.
പ്രതികൾ പീഡനം വീഡിയോയിൽ പകർത്തുകയും ചെയ്തു. പിന്നീട്, പെൺകുട്ടി സംഭവം അമ്മയോട് പറയുകയും പൊലീസ് കേസ് രജിസ്റ്റർ ചെയ്യുകയുമായിരുന്നു.
സംഘത്തിലെ നാല് പേരെ പിടികൂടിയ പൊലീസ് മറ്റ് രണ്ടുപേർക്കായി തിരച്ചിലിലാണ്. പ്രതികൾക്കെതിരെ പോക്സോ നിയമപ്രകാരം കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.