മുംബൈ: മഹാരാഷ്ട്രയിൽ നിയന്ത്രണംവിട്ട കാർ ആൾക്കൂട്ടത്തിലേക്ക് ഇടിച്ചുകയറി പൊലീസുകാരൻ മരിച്ചു. ഏഴുപേർക്ക് പരിക്കേറ്റു. നാഗപൂരിലെ നായാകുണ്ഡിൽ ബുധനാഴ്ച രാത്രിയാണ് അപകടം.
കാംപ്റ്റി സ്വദേശിയായ ജയന്ത് വിഷ്ണു ഷെരേക്കറാണ് മരിച്ചതെന്ന് പൊലീസ് അറിയിച്ചു. ട്രക്കും കാറും കൂട്ടിയിടിച്ച് അപകടമുണ്ടായതിനെ തുടർന്ന് രക്ഷാപ്രവർത്തനത്തിനായി എത്തിയതായിരുന്നു ജയന്ത് ഉൾപ്പടെയുള്ള പൊലീസ് സംഘം. രക്ഷാപ്രവർത്തനം നടത്തുന്നതിനിടയിൽ മറ്റൊരുകാർ ആൾക്കൂട്ടത്തിലേക്ക് കാർ ഇടിച്ചുകയറുകയായിരുന്നു.
പരിക്കേറ്റ ജയന്തിനെ ആശുപത്രിയിലെത്തിച്ചെങ്കിലും മരിച്ചു. കാർ അമിതവേഗത്തിൽ ആയിരുന്നെന്നും ഡ്രൈവർക്കായി തിരച്ചിൽ തുടരുകയാണെന്നും പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.