നൂപുർ ശർമ
ന്യൂഡല്‍ഹി: പ്രവാചകനിന്ദ പരാമർശം നടത്തിയ ബി.ജെ.പി മുൻ ദേശീയ വക്താവ് നൂപുർ ശർമക്കെതിരെ സുപ്രീംകോടതി നടത്തിയ അതിരൂക്ഷ വിമർശനം പിന്‍വലിക്കണമെന്നാവശ്യപ്പെട്ട് ചീഫ് ജസ്റ്റിസ് എന്‍.വി. രമണക്ക് പരാതി. ഡല്‍ഹി സ്വദേശി അജയ് ഗൗതത്തിന്റെ കത്താണ് ഹരജിയായി ഫയല്‍ ചെയ്തിരിക്കുന്നത്.
സുപ്രീംകോടതി അവധിക്കാല ബെഞ്ച് നടത്തിയ അതിരൂക്ഷ പരാമര്‍ശങ്ങള്‍ പിന്‍വലിക്കാന്‍ ഉത്തരവ് ഇറക്കണമെന്നും എങ്കില്‍ മാത്രമെ, നൂപുർ ശർമക്ക് ശരിയായ വിചാരണ നേരിടാന്‍ കഴിയൂ എന്നും കത്തില്‍ ചൂണ്ടിക്കാട്ടി. നൂപുര്‍ ശര്‍മക്കെതിരായി വിവിധ സംസ്ഥാനങ്ങളിലുള്ള കേസുകള്‍ ഡല്‍ഹിയിലേക്ക് മാറ്റണമെന്നും കത്തിൽ ആവശ്യപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.