മംഗളൂരു: നിരവധി കേസുകളിൽ വാറണ്ട് പ്രതികളും അധോലോക നായകരുമായ രവി പൂജാരി, കാലിയ യോഗേഷ് എന്നിവരുടെ കൂട്ടാളിയും കർണാടകയിലും കേരളത്തിലും നിരവധി കേസുകളിൽ പ്രതിയുമായ മുഹമ്മദ് ഹനീഫ് എന്ന അലി മുന്ന(48) അറസ്റ്റിൽ. മഞ്ചേശ്വരം പൈവളികെ സ്വദേശിയായ മുന്നയെ മംഗളൂരു സൗത്ത് ഡിവിഷൻ അസി.പൊലീസ് കമ്മീഷണർ ധന്യ നായകിന്റെ നേതൃത്വത്തിൽ കൊണാജെ പൊലീസും ചേർന്നാണ് അറസ്റ്റ് ചെയ്തത്.
മുന്ന ദക്ഷിണ കന്നട ജില്ലയിൽ കൊണാജെ, മംഗളൂരു നോർത്ത്, പുത്തൂർ, ബാർകെ, വിട്ള, ഉള്ളാൾ എന്നീ പൊലീസ് സ്റ്റേഷനുകളിലും ബംഗളൂരു വിമാനത്താവളം പൊലീസ് സ്റ്റേഷനിലും നിരവധി കേസുകളിൽ പ്രതിയാണെന്ന് പൊലീസ് പറഞ്ഞു. മംഗളൂരു നോർത്ത് പോലീസ് സ്റ്റേഷൻ പരിധിയിൽ സഞ്ജീവ സിൽക്സ്, പുത്തൂരിൽ രാജധാനി ജ്വല്ലേഴ്സ് എന്നീ സ്ഥാപനങ്ങൾക്ക് നേരെ നടന്ന വെടിവെപ്പുകൾ പ്രമാദമായിരുന്നു.
കാസർക്കോട് ജില്ലയിൽ ബേവിഞ്ചയിലെ പൊതുമരാമത്ത് കരാറുകാരന്റെ വീടിന് നേരെ വെടിവെപ്പ് നടത്തിയതുൾപ്പെടെ വിദ്യാനഗർ, കുമ്പള, മഞ്ചേശ്വരം പൊലീസ് സ്റ്റേഷനുകളിലും കേസുകളുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.