പെ​ഹ്​​ലു​ഖാ​നെ തല്ലിക്കൊന്ന കേസ്: പ്രതികളെ വെറുതെവിട്ടത് അമ്പരപ്പിക്കുന്നു -പ്രിയങ്ക ഗാന്ധി

ന്യൂഡൽഹി: കാ​ലി​ക്ക​ട​ത്ത്​ ആ​രോ​പി​ച്ച്​ ക്ഷീ​ര​ക​ർ​ഷ​കൻ പെ​ഹ്​​ലു​ഖാ​നെ തല്ലിക്കൊന്ന കേസിൽ പ്രതികളെ വെ റുതെവിട്ട കോടതി നടപടി അമ്പരിപ്പിക്കുന്നതാണെന്ന് പ്രിയങ്ക ഗാന്ധി. ട്വിറ്ററിലൂടെയാണ് പ്രിയങ്ക കോടതി വിധിക്കെ തിരെ രംഗത്തുവന്നത്.

കീഴ്കോടതി നടപടി അമ്പരിപ്പിക്കുന്നതാണ്. മനുഷ്യത്വമില്ലായ്മക്ക് നമ്മുടെ രാജ്യത്ത് ഒരു സ്ഥാനവുമില്ല. ആൾക്കൂട്ട കൊലപാതകം നീചകൃത്യമാണെന്നും ട്വീറ്റിൽ പ്രിയങ്ക പറഞ്ഞു.

पहलू खान मामले में लोअर कोर्ट का फैसला चौंका देने वाला है। हमारे देश में अमानवीयता की कोई जगह नहीं होनी चाहिए और भीड़ द्वारा हत्या एक जघन्य अपराध है।

— Priyanka Gandhi Vadra (@priyankagandhi) August 16, 2019

മേ​വാ​ത്തി​ലെ പെ​ഹ്​​ലു​ഖാ​നെ ത​ല്ലി​ക്കൊ​ന്ന കേ​സി​ൽ കുറ്റാരോ​പി​ത​രാ​യ ആ​റു​പേ​രെ​യും രാ​ജ​സ്​​ഥാ​നി​ലെ അ​ൾ​വാ​ർ അ​ഡീ​ഷ​ന​ൽ ജി​ല്ല കോ​ട​തിയാണ് വെ​റു​തെ വി​ട്ടത്. സം​ശ​യ​ത്തി​​​​െൻറ ആ​നു​കൂ​ല്യ​ത്തിലാണ് പ്ര​തി​ക​ളെ വി​ട്ട​യ​ച്ചത്.