ന്യൂഡൽഹി: കോൺഗ്രസ് അധ്യക്ഷ സ്ഥാനത്തേക്ക് മടങ്ങിയെത്തിയേക്കുമെന്ന പ്രവർത്തകർക്കിടയിലെ അഭ്യൂഹങ്ങളെ അപ് രസക്തമാക്കിക്കൊണ്ട് നിലപാട് വ്യക്തമാക്കി രാഹുൽ ഗാന്ധി. അധ്യക്ഷ പദത്തിലേക്ക് മടങ്ങിയെത്തണമെന്ന നേതാക്കളുടെ ആവശ്യം രാഹുല് ഗാന്ധി തള്ളിയതായാണ് റിപ്പോർട്ട്. ഇതു സംബന്ധിച്ച് ഇനി പുനരാലോചനയില്ലെന്ന് രാഹുല് വ്യക്തമാക്കിയതായി അദ്ദേഹത്തോട് അടുത്ത വൃത്തങ്ങളെ ഉദ്ധരിച്ച് എൻ.ഡി.ടി.വി റിപ്പോര്ട്ട് ചെയ്തു.
‘‘നേതൃത്വവുമായി ബന്ധപ്പെട്ട വിഷയത്തില് ഞാന് തീരുമാനം വ്യക്തമാക്കിയതാണ്. ഇക്കാര്യം വിശദീകരിച്ച് നേരത്തേ പാര്ട്ടിക്കു കത്തു നല്കുകയും ചെയ്തിട്ടുണ്ട്. നിലവിൽ കോൺഗ്രസ് അധ്യക്ഷപദത്തില് തിരിച്ചുവരുന്നതു സംബന്ധിച്ച് ചോദ്യമേ ഉദിക്കുന്നില്ല’’-രാഹുല് ഗാന്ധി പറഞ്ഞതായി റിപ്പോര്ട്ടില് വ്യക്തമാക്കുന്നു.
ലോക്സഭാ തെരഞ്ഞെടുപ്പില് കോണ്ഗ്രസിെൻറ ദയനീയ പരാജയത്തെത്തുടര്ന്ന് രാഹുല് അധ്യക്ഷപദം ഒഴിയുകയായിരുന്നു. തുടർന്ന് സോണിയ ഗാന്ധി കോണ്ഗ്രസ് ഇടക്കാല അധ്യക്ഷയായി നിയമിതയായി.
ആരോഗ്യപ്രശ്നങ്ങളെത്തുടര്ന്ന് വിശ്രമത്തിലുള്ള സോണിയയ്ക്കു പകരം രാഹുല് തന്നെ അധ്യക്ഷപദത്തില് എത്തുമെന്ന് ഏതാനും ദിവസങ്ങളായി റിപ്പോര്ട്ടുണ്ടായിരുന്നു. പാർട്ടിയിലെ യുവാക്കളും ചില നേതാക്കളുമുൾപ്പെടെ ഇക്കാര്യം ആവശ്യപ്പെട്ടിരുന്നു. എന്നാല് രാഹുല് ഇതുവരെ ഇക്കാര്യത്തിൽ അനുകൂലമായി പ്രതികരിച്ചിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.