മുംബൈ: ബി.ജെ.പിയുമായി ചേർന്നുള്ള സർക്കാറിനെ കുറിച്ച് ചോദ്യമേ ഉദിക്കുന്നില്ലെന്ന് എൻ.സി.പി അധ്യക്ഷൻ ശരദ് പവാർ. ശിവസേനയും കോൺഗ്രസുമായി ചേർന്ന് മഹാരാഷ്ട്രയിൽ സർക്കാർ രൂപീകരിക്കാനാണ് പാർട്ടി ഒറ്റക്കെട്ടായി തീര ുമാനിച്ചിരിക്കുന്നതെന്നും അദ്ദേഹം കൂട്ടിച്ചേർത്തു. ട്വിറ്ററിലൂടെയാണ് അദ്ദേഹം നിലപാട് ആവർത്തിച്ചു വ്യക്തമാക്കിയത്.
അജിത്ത് പവാറിെൻറ പ്രസ്താവന കള്ളവും തെറ്റിദ്ധാരണ പരത്തുന്നതുമാണെന്നും ജനങ്ങളിൽ ആശയക്കുഴപ്പം സൃഷ്ടിക്കാൻ വേണ്ടിയാണ് അദ്ദേഹം ഇത്തരത്തിൽ പ്രസ്താവന നടത്തിയതെന്നും പവാർ അഭിപ്രായപ്പെട്ടു.
There is no question of forming an alliance with @BJP4Maharashtra.
— Sharad Pawar (@PawarSpeaks) November 24, 2019
NCP has unanimously decided to ally with @ShivSena & @INCMaharashtra to form the government. Shri Ajit Pawar’s statement is false and misleading in order to create confusion and false perception among the people.
താൻ എൻ.സി.പി പ്രവർത്തകനായി തുടരുമെന്നും തെൻറ നേതാവ് ശരദ് പവാർ ആണെന്നും അടുത്ത അഞ്ച് വർഷം എൻ.സി.പി- ബി.ജെ.പി സഖ്യത്തിൽ സുസ്ഥിര ഭരണം മഹാരാഷ്ട്രയിൽ ഉണ്ടാകുമെന്നുമുള്ള അജിത്ത് പവാറിെൻറ ട്വീറ്റിന് മറുപടിയായാണ് ശരദ് പവാർ ഇക്കാര്യങ്ങൾ വ്യക്തമാക്കിയത്.
മഹാരാഷ്ട്രയിലെ സർക്കാർ രൂപീകരണവുമായി ബന്ധപ്പെട്ട് ഏകദേശം ഒരു മാസക്കാലത്തോളം നീണ്ടു നിന്ന അനിശ്ചിതത്വത്തിനൊടുവിൽ ബി.ജെ.പി നേതാവ് ദേവേന്ദ്ര ഫട്നാവിസ് മുഖ്യമന്ത്രിയായി സത്യപ്രതിജ്ഞ ചെയ്യുകയായിരുന്നു. ഏവരേയും ഞെട്ടിച്ചുകൊണ്ട് എൻ.സി.പി നേതാവ് അജിത്ത് പവാറിെൻറ പിന്തുണയോടെയായിരുന്നു നടപടി. അജിത്ത് പവാർ ഉപമുഖ്യമന്ത്രിയായും സത്യപ്രതിജ്ഞ ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.