പുള്ളിപ്പുലി കുഞ്ഞിനെ വിൽക്കാനുണ്ടെന്ന്​ ഫേസ്​ബുക്കിൽ പോസ്റ്റിട്ടയാൾ പിടിയിൽ

മുംബൈ: പുള്ളിപ്പുലി കുഞ്ഞിനെ വിൽക്കാനുണ്ടെന്ന്​ കാണിച്ച്​ ഫേസ്​ബുക്കിൽ പോസ്റ്റിട്ടയാൾ അറസ്​റ്റിലായി. മഹാരാഷ്​ട്രയിലെ സതാര ജില്ലയിലെ കാരാട്​ ആണ്​ സംഭവം. ലാലിയ എന്നറിയപ്പെടുന്ന ഋഷികേശ്​​ ഇംഗ്​ലെയാണ്​ പുള്ളിപ്പുലി കുഞ്ഞുങ്ങളെ ആവശ്യമുള്ളവർ വിളിക്കാൻ ആവശ്യപ്പെട്ട്​ ഫേസ്​ബുക്കിൽ 'പരസ്യം' ചെയ്​തത്​.

ഹോണററി വൈൽഡ്​ലൈഫ്​ വാർഡൻ രോഹൻ ഭാതെയും വനം വകു​പ്പ്​ ഉദ്യോഗസ്​ഥരും നടത്തിയ പരിശോധനയിലാണ്​ വെള്ളിയാഴ്ച കാരാടുള്ള വീട്ടിൽ വെച്ച്​​ പ്രതിയെ അറസ്റ്റ്​ ചെയ്​തത്​.

എന്നാൽ അന്വേഷണത്തിൽ ഇയാളുടെ പക്കൽ പുള്ളിപ്പുലി കുഞ്ഞുങ്ങൾ ഇല്ലെന്നും തമാശക്ക്​ വേണ്ടിയാണ്​ സോഷ്യൽ മീഡിയയിൽ പോസ്റ്റ്​ ഇട്ടതെന്നും റേഞ്ച്​ ഫോറസ്റ്റ്​ ഓഫീസർ വിലാസ്​ കാലെ പറഞ്ഞു.