കൊൽക്കത്ത: വാക്സിൻ സ്വീകരിച്ച് നിമിഷങ്ങൾക്കകം ബോധരഹിതയായ നഴ്സിനെ ആശുപത്രിയിൽ പ്രവേശിപ്പിച്ചു. കൊൽക്കത്തയിലെ ഡോ. ബി.സി റോയ് ആശുപത്രിയിൽ നഴ്സായ 35കാരിയാണ് ബോധരഹിതയായത്.
വാക്സിൻ സ്വീകരിച്ച് നിമിഷങ്ങൾക്കുള്ളിൽ വിറയൽ അനുഭവപ്പെടുകയും അസ്വസ്ഥതയുള്ളതായി കൂടെയുള്ളവരോട് പറയുകയും ചെയ്തു. ഉടൻ നിരീക്ഷണ മുറിയിൽ ബോധരഹിതയാവുകയായിരുന്നു.
അലർജി മൂലം സംഭവിച്ചതാകാമെന്നും ഭയപ്പെടാനില്ലെന്നും മുതിർന്ന ആരോഗ്യ വകുപ്പ് ഉദ്യോഗസ്ഥൻ പറഞ്ഞു. നഴ്സിന് പുറമെ 13 പേർക്ക് വാക്സിൻ സ്വീകരിച്ച് അസ്വസ്ഥതകൾ റിപ്പോർട്ട് ചെയ്തതായി അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.