കർണാടകയിലേത് പോലൊരു അട്ടിമറി രാജ്യം കണ്ടിട്ടില്ല -കെ.സി വേണുഗോപാൽ

ബംഗളൂരു: കർണാടകത്തിലെ പോലൊരു അട്ടിമറി രാജ്യം കണ്ടിട്ടില്ലെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. കേന്ദ്ര സർക്കാറിന്‍റെ നേതൃത്വത്തിൽ മഹാരാഷ്ട്ര സർക്കാറിനെ ഉപയോഗിച്ച് കർണാടക സർക്കാറിനെ അട്ടിമറിക്കാൻ ശ്രമിക്കുകയാണ്. ഈ നീക്കത്തെ നിയമപരമായി നേരിടും. രാജ്യത്ത് ജനാധിപത്യമാണ് നടപ്പിലാവേണ്ടത്. സംസ്ഥാനത്ത് വ്യാപക പ്രക്ഷോഭങ്ങൾ തുടങ്ങാൻ പോവുകയാണെന്നും വേണുഗോപാൽ പറഞ്ഞു.

മുംബൈയിലെ ഹോട്ടലിൽ കഴിയുന്നവർ കോൺഗ്രസ് എം.എൽ.എമാരാണ് തങ്ങളെന്ന് പറഞ്ഞിട്ടുണ്ട്. പിന്നെ എന്തു കൊണ്ടാണ് ഡി.കെ. ശിവകുമാറിനെ കാണാൻ അനുവദിക്കാത്തത്. ബി.ജെ.പിക്ക് ഇതിലെന്ത് കാര്യമെന്നും വേണുഗോപാൽ ചോദിച്ചു.