ബിഹാറിൽ മാധ്യമപ്രവർത്തകനെ വീട്ടിൽകയറി വെടിവെച്ച് കൊന്നു

പട്ന: ബിഹാറിൽ മാധ്യമപ്രവർത്തകനെ വീട്ടിൽകയറി വെടിവെച്ചു കൊന്നു. വെള്ളിയാഴ്ച രാവിലെയാണ് കൊലപാതകമുണ്ടായത്. സംസ്ഥാനത്തെ അരാരിയ ജില്ലയിലാണ് സംഭവം. ദൈനിക് ജാഗരൺ പത്രത്തിന്റെ ലേഖകനായ വിമൽ കുമാർ യാദവാണ് കൊല്ലപ്പെട്ടത്.

അജ്ഞാതർ വീട്ടിലേക്ക് അതിക്രമിച്ച് കയറി ഇയാൾക്ക് നേരെ വെടിയുതിർക്കുകയായിരുന്നു. കൊലപാതകത്തിന് പിന്നാലെ പ്രദേശത്ത് വലിയ സംഘർഷം ഉടലെടുത്തിട്ടുണ്ട്. പൊലീസ് സൂപ്രണ്ടും എം.പിയും സംഭവസ്ഥലത്തേക്ക് എത്തിയിട്ടുണ്ട്.