ന്യൂഡൽഹി: ചീഫ് ജസ്റ്റിസ് രഞ്ജൻ ഗൊഗോയി അധികാരമേൽക്കാൻ രാഷ്ട്രപതി ഭവൻ തയാറാക്കിയ സത്യപ്രതിജ്ഞാ വാചകത്തിലെ പിഴവ് തിരുത്തണമെന്ന് ജസ്റ്റിസ് കുര്യൻ ജോസഫ്. രാഷ്ട്രപതി ഭവന് അയച്ച കത്തിലാണ് സുപ്രീംകോടതിയിലെ മൂന്നാമനായ ജഡ്ജി ജസ്റ്റിസ് കുര്യൻ ജോസഫ് ഇൗ ആവശ്യമുന്നയിച്ചത്. ജസ്റ്റിസ് രഞ്ജൻ ഗൊഗോയിയെ ചീഫ് ജസ്റ്റിസായി നിയമിച്ചുള്ള ഉത്തരവിൽ ഇന്ത്യൻ ചീഫ് ജസ്റ്റിസ് എന്നായിരുന്നു രേഖപ്പെടുത്തിയിരുന്നത്.
എന്നാൽ, രാഷ്ട്രപതി ഭവൻ തയാറാക്കിയ സത്യപ്രതിജ്ഞയിൽ അത് സുപ്രീംകോടതി ചീഫ് ജസ്റ്റിസായി മാറിയെന്ന് ജസ്റ്റിസ് കുര്യൻ ജോസഫ് ചൂണ്ടിക്കാട്ടി. സത്യപ്രതിജ്ഞ വാചകത്തിലും മേലിൽ ഇന്ത്യൻ ചീഫ് ജസ്റ്റിസ് എന്ന് ഉപയോഗിക്കണമെന്ന് അദ്ദേഹം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.