representational image
ഹാഥറസ്: വിദ്യാർഥികളെ നമസ്കരിക്കാൻ നിർബന്ധിച്ചെന്ന ആരോപണത്തിൽ ഹാഥറസിലെ സ്വകാര്യ സ്കൂൾ പ്രിൻസിപ്പലിനെ മാനേജ്മെന്റ് സസ്പെൻഡ് ചെയ്തു. ആരോപണം പ്രിൻസിപ്പൽ നിഷേധിച്ചിട്ടുണ്ട്. സോണിയ മക്ഫേഴ്സൻ ആണ് സസ്പെൻഷനിലായത്. സ്കൂൾ അധികൃതർക്കെതിരെ ജില്ല മജിസ്ട്രേറ്റ് അന്വേഷണത്തിന് ഉത്തരവിട്ടു.
ഡെപ്യൂട്ടി ജില്ല കലക്ടറോട് അഞ്ചുദിവസത്തിനകം റിപ്പോർട്ട് നൽകാൻ ആവശ്യപ്പെട്ടിട്ടുണ്ട്. കുട്ടികളെ നമസ്കരിക്കാനും ബുർഖ ധരിക്കാനും നിർബന്ധിച്ചതായി ആരോപിച്ച് ചില രക്ഷിതാക്കളും വലതുപക്ഷ സംഘടനകളും സ്കൂളിന് പുറത്ത് പ്രതിഷേധിച്ചിരുന്നു. അതേസമയം, ലോക പൈതൃകദിനവും പെരുന്നാളും ആഘോഷിച്ചതാണെന്നും മറ്റു ആരോപണങ്ങളൊന്നും സത്യമല്ലെന്നും സ്കൂൾ അധികൃതർ വിശദീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.