പനാജി: ഗോവ ഡബോളിം വിമാനത്താവളത്തിൽ വിമാനം റൺവേയിൽ നിന്ന് തെന്നിമാറി. 154 യാത്രക്കാരുമായി പുറപ്പെടാനൊരുങ്ങിയ ജെറ്റ് എയർവേയ്സ് വിമാനമാണ് റൺവേയിൽ നിന്ന് തെന്നിമാറിയത്. ജീവനക്കാരടക്കം 161 പേരാണ് വിമാനത്തിലുണ്ടായിരുന്നത്. ഇന്ന് പുലർച്ചെ അഞ്ച് മണിയോടെയാണ് അപകടമുണ്ടായത്. വൻദുരന്തമാണ് തലനാരിഴക്ക് ഒഴിഞ്ഞുമാറിയത്.
ജെറ്റ് എയർവേയ്സിെൻറ 9w 23474 എന്ന വിമാനമാണ് പറന്നുയരാൻ ശ്രമിക്കുന്നതിനിടെ റൺവേയിൽ നിന്ന് തെന്നിമാറിയത്. വിമാനം 360 ഡിഗ്രി തിരിഞ്ഞാണ് നിന്നത്. ചില യാത്രക്കാർക്ക് നിസാര പരിക്കേറ്റതായും ഇവർക്ക് ഉടൻ തന്നെ ചികിൽസ ലഭ്യമാക്കിയതായും ജെറ്റ് എയർവേയ്സ് അധികൃതർ അറിയിച്ചു. അപകട കാരണം എന്താണെന്ന് വ്യക്തമല്ല.
സംഭവത്തിന് ശേഷം വിമാനത്താവളം അടച്ചിട്ടു. പിന്നീട് ഒൻപതേകാലോടെയാണ് വിമാനത്താവളത്തിെൻറ പ്രവർത്തനം വീണ്ടും ആരംഭിച്ചത്. അപകടത്തെക്കുറിച്ച് അന്വേഷണം നടത്തുമെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.