ന്യൂഡൽഹി: തനിക്കും കുടുംബത്തിനും കശ്മീർ ഐ.എസ് എന്ന തീവ്രവാദ ഗ്രൂപ്പിൽനിന്ന് വധഭീഷണി ഉണ്ടായതായി ബി.ജെ.പി എം.പി ഗൗതം ഗംഭീർ. ഗംഭീറിന്‍റെ പരാതിയിൽ ഇദ്ദേഹത്തിനും കുടുംബത്തിനുമുള്ള സുരക്ഷ ശക്തമാക്കിയിട്ടുണ്ട്. ഗംഭീറിന് ഇമെയിൽ വഴിയാണ് വധഭീഷണി സന്ദേശം ലഭിച്ചത്. സംഭവവുമായി ബന്ധപ്പെട്ട് ഡൽഹി പൊലീസിൽ പരാതി നൽകിയിരുന്നു. പരാതിയുടെ അടിസ്ഥാനത്തിൽ എം. പിയുടെ ഡൽഹിയിലെ വസതിക്ക് ചുറ്റുമാണ് സുരക്ഷ കർശനമാക്കിയത്. ചൊവ്വാഴ്ച്ച രാത്രിയിലാണ് വധഭീഷണി സന്ദേശം ലഭിച്ചത്. ഇതേ തുടർന്നാണ് സുരക്ഷ ശക്തമാക്കിയതെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.