ന്യൂഡൽഹി: ഡൽഹിയിലെ വസന്ത് കുഞ്ജിൽ ഫാഷൻ ഡിസൈനറെയും വീട്ടുവേലക്കാരിയെയും കൊല്ലെപ്പട്ട നിലയിൽ കണ്ടെത്തി. ഫാഷൻ ഡിസൈനറായ 53കാരി മായ ലഖാനിയും സഹായിയുമാണ് കൊല്ലപ്പെട്ടത്. ഇന്ന് പുലർച്ചെ മൂന്നു മണിക്കാണ് സംഭവം. സംഭവവുമായി ബന്ധപ്പെട്ട് സംശയം തോന്നിയ മൂന്ന് പേരെ പൊലീസ് കസ്റ്റഡിയിലെടുത്തിട്ടുണ്ട്.
ഇവരുടെ വീട്ടിൽ നിന്ന് അസഭ്യ വർഷം കേൾക്കുന്നുവെന്ന് കാണിച്ച് അയൽവാസികളാണ് പൊലീസിനെ വിവരമറിയിച്ചത്. തുടർന്ന് പൊലീസെത്തി പരിശോധിച്ചപ്പോഴാണ് മൃതദേഹങ്ങൾ കണ്ടെത്തിയത്. മായയുടെ മൃതദേഹം കിടപ്പു മുറിയിലും വീട്ടുജോലിക്കാരിയുെടത് ലിവിങ്റൂമിലുമാണ് ഉണ്ടായിരുന്നത്. മായയുടെ ദേഹത്ത് പരിക്കേറ്റതിെൻറ ഏഴ് അടയാളങ്ങളുണ്ട്.
സംശയാസ്പദമായി പിടികൂടിയ മൂന്നു പേരും മായക്ക് വേണ്ടി ജോലി ചെയ്തിരുന്നവരാണ്. മോഷണ ശ്രമമാണ് കൊലപാതകത്തിലേക്ക് നയിച്ചതെന്നാണ് പൊലീസിെൻറ പ്രാഥമിക നിഗമനം. രണ്ടുപേരുടെയും മൃതദേഹം പോസ്റ്റ് മോർട്ടത്തിന് അയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.