ഹൈദരാബാദ്: തെലങ്കാനയിൽ കെ. ചന്ദ്രശേഖർ റാവുവിനെ (കെ.സി.ആർ) വീണ്ടും മുഖ്യമന്ത്രിയാക്കാൻ ബി.ആർ.എസും കോൺഗ്രസും ധാരണയെന്ന് ആഭ്യന്തരമന്ത്രി അമിത് ഷായുടെ ആരോപണം. രാഹുൽ ഗാന്ധിയെ പ്രധാനമന്ത്രിയാക്കാൻ റാവു സഹായിക്കുമെന്നും മക്തലിൽ തെരഞ്ഞെടുപ്പ് റാലിയിൽ അമിത് ഷാ ആരോപിച്ചു.
കെ.സി.ആറിനെ അധികാരത്തിൽനിന്ന് പു റത്താക്കാൻ കോൺഗ്രസിന് വോട്ട് നൽകിയാൽ കോൺഗ്രസ് എം.എൽ.എമാർ ബി.ആർ.എസിലേക്ക് പോകും. കോൺഗ്രസ് എം.എൽ.എമാർ ചൈനീസ് സാധനങ്ങൾപോലെ ഗ്യാരണ്ടിയില്ലാത്തതാണെന്നും അവർ ഏതുസമയവും ബി.ആർ.എസിലേക്ക് പോകുമെന്നും അദ്ദേഹം പറഞ്ഞു.
അധികാരത്തിലെത്തിയാൽ സംസ്ഥാനത്ത് പിന്നാക്ക ജാതി നേതാവിനെ മുഖ്യമന്ത്രിയാക്കാനാണ് ബി.ജെ.പി തീരുമാനിച്ചതെന്നും തെലങ്കാനയിലെ പട്ടികജാതി വിഭാഗത്തിലെ മാഡിഗ സമുദായത്തിന് പ്രത്യേക സംവരണ ക്വോട്ട നൽകുമെന്നും അമിത് ഷാ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.