ചണ്ഡീഗഡ്: കേന്ദ്രം ഭരിക്കുന്ന ബി.ജെ.പി സർക്കാർ എപ്പോഴും കർഷകരുടെ കൂടെയാണെന്ന് നടനും ബി.ജെ.പി എം.പിയുമായ സണ്ണി ഡിയോൾ. ഇത് സർക്കാറും കർഷകരും തമ്മിലുള്ള പ്രശ്നമാണ്. അത് അവർ തന്നെ ചർച്ച ചെയ്ത് പരിഹരിക്കും. ഇതിനിടയിേലക്ക ചിലർ പിന്തുണയുമായി വരുന്നുണ്ട്. അവർക്ക് പ്രത്യേക അജണ്ടയുണ്ട്. അവർ കർഷകരെ കുറിച്ചല്ല ചിന്തിക്കുന്നത് - സണ്ണി ഡിയോൾ കുറിച്ചു.
2019ൽ സണ്ണി ഡിയോളിന്‍റെ തെരഞ്ഞെടുപ്പ് പ്രചാരണത്തിൽ പങ്കെടുത്ത പഞ്ചാബി നടൻ ദീപ് സിദ്ദു കർഷക സമരത്തെ പിന്തുണച്ചത് വലിയ വാർത്തയായിരുന്നു. ഇതിന് പിന്നാലെയാണ് സണ്ണി ഡിയോളിന്‍റെ പ്രതികരണം.
ദീപ് സിദ്ദു തെരഞ്ഞെടുപ്പ് കാലത്ത് തന്നോടൊപ്പം ഉണ്ടായിരുന്നു എന്നത് ശരിയാണ്. എന്നാൽ അദ്ദേഹം ഇപ്പോൾ പറയുന്നതും പ്രവർത്തിക്കുന്നതുമായ കാര്യങ്ങളുമായി തനിക്ക് ബന്ധമില്ല. താൻ പാർട്ടിയുടെയും കർഷകരുടെയും കൂടെയാണ്. ഈ സമരം സർക്കാറും കർഷകരും തമ്മിൽ ചർച്ച ചെയ്ത് പരിഹാരം കാണുമെന്ന് ഉറപ്പുണ്ടെന്നും സണ്ണി ഡിയോൾ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.