ന്യൂഡൽഹി: കോൺഗ്രസ് അധ്യക്ഷൻ രാഹുൽ ഗാന്ധിക്കെതിരെ വിവാദ പരാമർശവുമായി ബി.ജെ.പി എം.പി. ദുർഗ് മണ്ഡലത്തിൽ നിന്നുള്ള ബി.ജെ.പി എം.പിയായ സരോജ് പാണ്ഡേയാണ് രാഹുലിനെതിരെ വിവാദ പരാമർവുമായി രംഗത്തെത്തിയത്. മാധ്യമങ്ങളോട് സംസാരിക്കുേമ്പാഴായിരുന്നു സരോജ് പാണ്ഡേയുടെ പരാമർശം.
രാഹുൽ ഇപ്പോൾ കാര്യങ്ങൾ പഠിക്കാൻ ശ്രമിക്കുന്നുണ്ട്. എന്നാൽ, ഇത് പഠിക്കാൻ ഒരു പ്രായമുണ്ട്. 40ന് വയസിന് ശേഷവും ഇതിന് കഴിയാത്തവരെ മന്ദബുദ്ധി എന്നല്ലാതെ മറ്റെന്താണ് വിളിക്കുകയെന്ന് സരോജ് പാണ്ഡേ ചോദിച്ചു. നാരങ്ങ ജ്യൂസ് വിറ്റിരുന്നയാളാണ് കോക്കേകാള കമ്പനിക്ക് തുടക്കമിട്ടതെന്ന രാഹുൽ ഗാന്ധിയടെ പ്രസ്താവനയെ പരിഹസിച്ചായിരുന്നു എം.പിയുടെ പ്രസ്താവന.
മുമ്പും വിവാദ പ്രസ്താവനകൾ സരോജ് പാണ്ഡേ നടത്തിയിട്ടുണ്ട്. കേരളത്തിലെ ആർ.എസ്.എസുകാർക്കു നേരെ കണ്ണൂരുട്ടിയാൽ സി.പി.എംകാരുടെ കണ്ണ് ചൂഴ്ന്നെടുക്കുമെന്ന് സരോജ് പാണ്ഡേ ഭീഷണിപ്പെടുത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.