ന്യൂഡൽഹി: റെയിൽവേ മന്ത്രാലയം പുറത്തിറക്കുന്ന ബുക്ക്ലെറ്റിെൻറ മുഖചിത്രമായി തിരഞ്ഞെടുത്തത് റെയിൽവേയിലെതന്നെ പ്യൂൺ വരച്ച ചിത്രം. ഭൂവനേശ്വറിലെ ഈസ്റ്റ് കോസ്റ്റ് റെയിൽവേ ആസ്ഥാനത്തെ പ്യൂണായ ശ്യാം സുന്ദർ വരച്ച ചിത്രമാണ് മന്ത്രാലയത്തിെൻറ കഴിഞ്ഞ നാലുവർഷത്തെ നേട്ടങ്ങൾ വ്യക്തമാക്കുന്ന ബുക്ക്ലെറ്റിെൻറ മുഖചിത്രമായത്. അടുത്തിടെ റെയിൽവേ ജീവനക്കാർക്കായി നടത്തിയ പെയിൻറിങ് മത്സരത്തിൽ വിജയിച്ചതോടെയാണ് ശ്യാമിെൻറ ചിത്രരചന മികവ് ഡൽഹിയിലെ മന്ത്രാലയ ഉേദ്യാഗസ്ഥെൻറ ശ്രദ്ധ‍യിൽപ്പെടുന്നത്. മഹാത്മ ഗാന്ധി ട്രെയിനിൽനിന്നിറങ്ങാൻ വാതിൽക്കലെത്തുമ്പോൾ ജനങ്ങൾ സ്വീകരിക്കാൻ നിൽക്കുന്ന രംഗം ചിത്രീകരിച്ചതാണ് തിരഞ്ഞെടുക്കപ്പെട്ട ശ്യാമിെൻറ ചിത്രം.
ഈ ചിത്രം അടങ്ങിയ ബുക്ക്ലെറ്റിെൻറ മുഖപേജ് കഴിഞ്ഞ ദിവസം റെയിൽവേ മന്ത്രി പിയൂഷ് ഗോയൽ നടത്തിയ വാർത്തസമ്മേളനത്തിൽ ഏറെ ശ്രദ്ധിക്കപ്പെട്ടിരുന്നു. മഹാത്മ ഗാന്ധിയുടെ 150ാം ജന്മവാർഷികം ആചരിക്കുന്ന സർക്കാറിെൻറ പുതിയ പദ്ധതിയാണ് ബുക്ക്ലെറ്റിലെ പ്രധാന ഉള്ളടക്കം.
10 വർഷമായി പ്യൂണായി ജോലിചെയ്യുന്ന തനിക്ക് ലഭിച്ച വലിയ അംഗീകാരമാണിതെന്ന് 35കാരനായ ശ്യാം സുന്ദർ ഡൽഹിയിൽ നടന്ന ആദരിക്കൽ ചടങ്ങിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.