ന്യൂഡൽഹി: പൗരത്വ നിയമ ഭേദഗതിക്കെതിരെ ഭരണഘടനയുടെ ആമുഖം വായിച്ച് പ്രതിഷേധവുമായി ഓൾ ഇന്ത്യ മജ്ലിസെ ഇത്തിഹാദുൽ മുസ്ലീമിൻ അധ്യക്ഷൻ അസദുദ്ദീൻ ഉവൈസി. ഹൈദരാബാദിലെ ദാറുസലാമിലാണ് ഉവൈസിയുടെ പ്രതിഷേധം.
പൗരത്വ രജിസ്റ്ററിനെതിരെയും പൗരത്വ നിയമത്തിനെതിരെയും പ്രതിഷേധിക്കുന്നവർ ത്രിവർണ്ണ പതാക വീടിന് മുന്നിൽ ഉയർത്തി പ്രതിഷേധിക്കണമെന്ന് ഉവൈസി ആവശ്യപ്പെട്ടു. ഇതിലൂടെ കരിനിയമമാണ് നടപ്പാക്കുന്നതെന്ന് ബി.ജെ.പിക്ക് സന്ദേശം നൽകാൻ കഴിയുമെന്നും അദ്ദേഹം കൂട്ടിച്ചേർത്തു.
ദാറുസലാമിൽ നടന്ന ഉവൈസിയുടെ പ്രതിഷേധത്തിൽ ആയിരക്കണക്കിനാളുകളാണ് പങ്കെടുത്തത്. ജാമിഅ മിലിയ സർവകലാശാലയിൽ പൗരത്വ നിയമത്തിനെതിരെ പ്രതിഷേധിച്ച ലദീദയും അയിഷ റെന്നയും പരിപാടിയിൽ പങ്കെടുത്തിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.