ന്യൂഡല്‍ഹി: ജമ്മു-കശ്മീരില്‍ സംശയകരമായ സാഹചര്യത്തില്‍ കണ്ടത്തെിയ മലയാളിയെ പൊലീസ് കസ്റ്റഡിയിലെടുത്തു. പാലക്കാട് ചെര്‍പ്പുളശ്ശേരി സ്വദേശി അലിയെയാണ് (60) ജമ്മുവിലെ റിയസി ജില്ലയിലെ കത്റ ടൗണില്‍വെച്ച് പൊലീസ് കസ്റ്റഡിയിലെടുത്തത്. മനോനില തെറ്റിയ നിലയിലാണ് ഇയാള്‍ പെരുമാറുന്നതെന്ന് റിയസി പൊലീസ് സൂപ്രണ്ട് സുര്‍ജിത് സിങ് പറഞ്ഞു.
സംശയസാഹചര്യത്തില്‍ കത്റ ബസ്സ്റ്റാന്‍ഡ് പരിസരത്ത് അലഞ്ഞുതിരിയുന്ന നിലയില്‍ കണ്ട ഇയാളെ നാട്ടുകാര്‍ പൊലീസിലേല്‍പിക്കുകയായിരുന്നു. ഇയാള്‍ പാകിസ്താനെ അനുകൂലിച്ച് പലതും വിളിച്ചുപറഞ്ഞതായും നാട്ടുകാര്‍ പൊലീസിന് മൊഴി നല്‍കിയിട്ടുണ്ട്. കശ്മീര്‍ സംഘര്‍ഷത്തിന്‍െറ സാഹചര്യത്തില്‍ വിശദാംശങ്ങള്‍ അന്വേഷിച്ചുവരുകയാണെന്നും കേരള അധികാരികളുമായി ബന്ധപ്പെട്ടതായും പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.