ശ്രീനഗർ: ജമ്മു കശ്മീരിലെ നിയന്ത്രണ രേഖയിൽ വെടിനിർത്തൽ കരാർ ലംഘിച്ച് പാകിസ്താൻ നടത്തിയ വെടിവെപ്പിൽ പരിക്കേറ്റ രണ്ട് ഇന്ത്യൻ സൈനികർ മരിച്ചു. ബാരാമുള്ളയിലെ രാംപുർ സെക്ടറിൽ വെള്ളിയാഴ്ച വൈകീട്ടാണ് പാക് വെടിവെപ്പുണ്ടായത്. പരിക്കേറ്റ സൈനികരെ ആശുപത്രിയിലെത്തിച്ച് അടിയന്തര ചികിത്സ നൽകിയെലങ്കിലും രണ്ട് പേർ മരിച്ചു.
പ്രകോപനമില്ലാതെ പാക് സൈനികർ വെടിയുതിർത്തത് ഇന്ത്യൻ പോസ്റ്റുകൾക്ക് നേെര ആക്രമണം നടത്തുകയായിരുന്നു. ഉടൻ ഇന്ത്യൻ സൈന്യം പ്രത്യാക്രമണം നടത്തി.
ഏപ്രിൽ 30 ന് പൂഞ്ചിലും പ്രകോപനമില്ലാതെ പാക് സൈന്യം ഷെല്ലാക്രമണവും വെടിവെപ്പും നടത്തിയിരുന്നു. ഏപ്രിൽ 29ന് പൂഞ്ച് ജില്ലയിലെ മൻകോട്ടിലും മെന്ദറിലും പാകിസ്താൻ ആക്രമണം നടത്തിയതായി റിപ്പോർട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.