യു.പിയിൽ ട്രെയിനും ട്രക്കും കൂട്ടിയിടിച്ച്​ ലോകോ പൈലറ്റ്​ മരിച്ചു

ഹാപൂർ(യു.പി) : യു.പിയിലെ പിൽഖുവയിൽ ട്രക്കും ട്രെയിനും കൂട്ടിയിടിച്ച്​ ലേ​ാകോ പൈലറ്റ്​ മരിച്ചു. ട്രെയിനിലെ ടി.ടി.ആറിനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. 

റെയിൽവേ ഗേറ്റ്​ അടക്കാത്തതിനാൽ ട്രെയിൻ വരുന്നതറിയാതെ റെയിൽവേ ട്രാക്ക്​ കടക്കുകയായിരുന്ന ട്രക്കിൽ ട്രെയിൻ ഇടിക്കുകയായിരുന്നു. ട്രക്കും ട്രെയിനും തകർന്ന്​ ലോകോ പൈലറ്റും ടി.ടി.ആറും അവശിഷ്​ടങ്ങൾക്കിടയിൽ പെട്ടു. 

ക്രെയിനും ഗ്യാസ്​ കട്ടറും ഉപയോഗിച്ച്​ മണിക്കൂറുകൾ നീണ്ട രക്ഷപ്രവർത്തനത്തിനെടുവിലാണ്​ ഇരുവരേയും പുറത്തെടുത്തത്​. അപ്പോഴേക്കും ലോകോ പൈലറ്റ്​ മരിച്ചിരുന്നു. റെയിൽവേയും പെലീസും സംഭവത്തിൽ അന്വേഷണം നടത്തുന്നുണ്ട്​.