ദുബൈ: യുസി ദിനോആര്‍ട്ട് ദേശീയ മല്‍സരത്തില്‍ ഇന്ത്യൻ വിദ്യാർഥികൾ മികവ് തെളിയിച്ചു. ഇന്ത്യന്‍ ഹൈസ്‌കൂളിലെ ശൈ ഖ് റാഷിദ് ഓഡിറ്റോറിയത്തില്‍ അഞ്ച് മുതല്‍ 16 വയസ് വരെയുള്ള വിദ്യാര്‍ത്ഥികള്‍ക്കായി 14 ഇനങ്ങളിൽ നടന്ന മല്‍സരത്തിൽ ഇന്ത്യൻ വിദ്യാർഥികൾ 35 അവാര്‍ഡുകള്‍ നേടി. 11 ചാമ്പ്യന്മാരില്‍ 9 പേരും ഇന്ത്യക്കാരായിരുന്നു.
യു.എ.ഇ., ഈജിപ്ത്, ബംഗ്ലാദേശ്, ഇറാന്‍, ജോര്‍ദാന്‍, ദക്ഷിണ കൊറിയ, തുര്‍കി, സുഡാന്‍, ശ്രീലങ്ക, പാക്കിസ്താന്‍, ഇന്ത്യ എന്നീ രാജ്യങ്ങളില്‍ നിന്നുള്ളവരാണ് മാറ്റുരച്ചത്.
യുസി മാസ്, യുസി ദിനോ ആര്‍ട്ട് ബിരുദ ദാനവും ചടങ്ങിൽ നടന്നു. മലേഷ്യന്‍ കോണ്‍സുലേറ്റിലെ ഹെഡ് ഓഫ് ചാന്‍സറി ഖൈറുല്‍ നസ്‌രി മുഹമ്മദ് തയ്യിബ്, ഷാര്‍ജ ഇന്ത്യന്‍ അസോസിയേഷന്‍ പ്രസിഡൻറ് ഇ.പി ജോണ്‍സണ്‍, ഷാര്‍ജ ഇന്ത്യന്‍ ഹൈസ്‌കൂള്‍ പ്രിന്‍സിപ്പല്‍ ആൻറണി ജോസഫ് എന്നിവര്‍ കുട്ടികളെ ആദരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.