ഫോസ വുമൺസ് ഡേ-24 അക്കാഫ് വനിത വിഭാഗം പ്രസിഡന്റ് വിദ്യ പുതുശ്ശേരി ഉദ്ഘാടനം
ചെയ്യുന്നു
ദുബൈ: കഴിവുകൾ തിരിച്ചറിയുകയും അവസരങ്ങൾ ഉപയോഗിക്കുകയും ചെയ്യുകയാണ് ഒരു സ്ത്രീയുടെ വിജയമെന്ന് അക്കാഫ് വനിത വിഭാഗം പ്രസിഡന്റ് വിദ്യ പുതുശ്ശേരി അഭിപ്രായപ്പെട്ടു. ഫാറൂഖ് കോളജ് ഓൾ സ്റ്റുഡന്റസ് അസോസിയേഷൻ(ഫോസ) വുമൺസ് ഡേ-24 ഉദ്ഘാടനം ചെയ്തു സംസാരിക്കുകയായിരുന്നു അവർ. പല വർഷങ്ങളിലായി കോഴിക്കോട് ഫാറൂഖ് കോളജിൽ പഠിച്ച വിദ്യാർഥിനികളുടെ കൂട്ടായ്മയാണ് ഫോസ ലേഡീസ് വിങ്.
കുട്ടികൾക്കും വനിതകൾക്കുമായി വ്യത്യസ്തങ്ങളായ മത്സരങ്ങൾ, സാംസ്കാരിക പരിപാടികൾ എന്നിവ വിമൻസ് ഡേയുടെ ഭാഗമായി സംഘടിപ്പിച്ചു. കോളജ് കാലത്തെ അനുഭവങ്ങൾ അംഗങ്ങൾ സദസ്സുമായി പങ്കുവെച്ചു. ഫോസയുടെ കുടുംബാംഗങ്ങൾ, എക്സ്കോം അംഗങ്ങൾ എന്നിവരും പങ്കെടുത്തു.
സ്ത്രീകൾക്കുവേണ്ടി നടത്തിയ പാചകം, കേക്ക് ഡെക്കറേഷൻ, മെഹന്തി മത്സരങ്ങളിൽ ഷാഹിന നവാസ്, നാദിയ നർഗീസ്, റസ്‌ല എന്നിവർ ഒന്നാം സ്ഥാനക്കാരായി. റാബിയ ഹുസൈന്റെ അധ്യക്ഷതയിൽ നടന്ന ഉദ്ഘാടന സമ്മേളനത്തിൽ ഫോസ ദുബൈ ചാപ്റ്റർ പ്രസിഡന്റ് മുഹമ്മദ് അലി, ജന. സെക്രട്ടറി ജലീൽ മഷ്ഹൂർ തങ്ങൾ, ഉസ്‌ന ഉസ്മാൻ, റജീന, തസ്‌നിം കാസിം എന്നിവർ ആശംസ നേർന്നു. റീന സലീം സ്വാഗതവും ഷീബ നാസർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.