കുടുങ്ങിയവർക്ക്​ നേരെ നീളുന്ന സ്​നേഹക്കൈകൾ

ജിദ്ദ: ജീവകാരുണ്യ മേഖലയിൽ നിശ്ശബ്​ദമായി പ്രവർത്തിച്ച് കർമഫലങ്ങളിൽ സമാധാനവും സന്തോഷവും കണ്ടെത്തുകയാണ് നൗഷ ാദ്​ മമ്പാട്​ എന്ന പ്രവാസി സാമൂഹിക പ്രവർത്തകൻ. പ്രവാസ ലോകത്ത്​ നിയമ സഹായം തേടുന്നവരെ കണ്ടെത്തി അവരുടെ ‘വക്കാ ല’ത്തുമായി ബന്ധപ്പെട്ട ഒാഫീസുകൾ കയറിയിറങ്ങി പ്രശ്​നങ്ങൾ പരിഹരിച്ചാണ് ഇൗ യുവാവ്​ സാമൂഹിക പ്രവർത്തനത്തി​ൽ ആത ്​മഹർഷം കണ്ടെത്തുന്നത്​. 14 വർഷത്തിലേറെയായി ജിദ്ദയിൽ നിശ്ശബ്​ദ സേവനത്തിലാണ്​. സങ്കീർണമായ നൂറ് ​കണക്കിന്​ കേസു കളാണ്​ കൈകാര്യം ചെയ്​തത്​. ഇന്ത്യൻ കോൺസുലേറ്റ്​ ഒാഫിസിനും സൗദി അധികൃതർക്കുമിടയിലെ അനൗദ്യോഗിക ദൂതനായി പ്രവർത്തിക്കുകയാണ്. ഗവർണറേറ്റ്​, പൊലീസ്​ സ്​റ്റേഷൻ, ആശുപത്രി, ലേബർ ഒാഫിസ്​, പബ്ലിക്​ പ്രോസിക്യൂഷൻ ഒാഫിസ്, കാർഗോ, ഇൻഷുറൻസ്​ തുടങ്ങിയ ഒൗദ്യോഗികകാര്യാലയങ്ങളിൽ കയറിയിറങ്ങിയാണ്​ നൗഷാദ്​ മറ്റുള്ളവരുടെ പ്രശ്​നങ്ങൾ പരിഹരിച്ചു കൊടുക്കുന്നത്​. സ്വന്തം കൈയിൽ നിന്ന്​ കാശ്​ ചെലവാകുമെന്നല്ലാതെ ഒരു സാമ്പത്തിക നേട്ടവും ഇതി​​െൻറ പേരിൽ ഉണ്ടാക്കുന്നില്ല. ഒാരോരുത്തരുടെയും കുരുക്കഴിച്ചുകൊടുക്കുന്നതി​െല സമാധാനമാണ്​ ഇടപാടിലെ ലാഭം. തനിക്കും മാതാപിതാക്കൾക്കും വേണ്ടി പ്രാർഥിക്കണമെന്ന ആവശ്യം മാത്രമാണ്​ കക്ഷികൾക്ക്​ മുന്നിൽ വെക്കുക.

കേസുകൾ പരിഹരിച്ചുകിട്ടാൻ പ്രത്യേകമായ നയത​ന്ത്രം തന്നെയാണ്​ വേണ്ടതെന്ന്​ നൗഷാദ്​ സാക്ഷ്യപ്പെടുത്തുന്നു. ഉദ്യോഗസ്​ഥതലങ്ങളിൽ ഇടപെടു​േമ്പാൾ പ്രത്യേകമായ പക്വതയും ക്ഷമയും വേണ്ടി വരും. ക്രിമിനൽ കേസുകളിൽ വക്കാലത്ത്​ പിടിക്കാൻ പോവില്ല. അതേ സമയം സാധാരണ നിയമനടപടികൾ പൂർത്തിയാക്കണമെങ്കിൽ തന്നെ നിരവധി കടമ്പകളുണ്ടാവും. അതി​​െൻറ റൂട്ട്​ അറിഞ്ഞിരിക്കുക എന്നത്​ പ്രധാനമാണ്​. ഒൗദ്യോഗിക മേഖലയിൽ വിശ്വാസ്യത മുറുകെ പിടിക്കുക എന്നതും വളരെ പ്രധാനപ്പെട്ടതാണ്​. പ്രവാസ ജീവിതത്തിനിടയിൽ മരണപ്പെടുന്നവരുടെ മൃതദേഹങ്ങൾ നാട്ടിലെത്തിക്കാനോ, ഇവിടെ തന്നെ സംസ്​കരിക്കാനോ ആവശ്യമായ നിയമ നടപടികൾ ഏറ്റവും വേഗത്തിൽ പൂർത്തിയാക്കുന്നതിലാണ്​ നൗഷാദ്​ ഏറെയും ഇടപെടുന്നത്​. മൂന്ന്​ പ്രവൃത്തിദിവസം കിട്ടിയാൽ മൃതദേഹം നാട്ടിലെത്തിക്കാനുള്ള നടപടികൾ പൂർത്തിയാക്കാമെന്ന്​ നൗഷാദ്​ പറയുന്നു.​ തൊഴിൽ പ്രശ്​നങ്ങളിലും ജയിലിൽ കഴിയുന്ന പ്രവാസികളുടെ മോചനക്കാര്യത്തിലും വാഹനാപകടക്കുരുക്കിൽ അകപ്പെട്ട്​ ബുദ്ധിമുട്ടുന്ന പ്രവാസികളുടെ കാര്യത്തിലുമെല്ലാം നൗഷാദി​​െൻറ ഫലപ്രദമായ ഇടപെടലുണ്ട്​. എന്നാൽ ഇതി​​െൻറ പേരിലുള്ള ‘പബ്ലിസിറ്റി സ്​റ്റണ്ടി’നൊന്നും നിൽക്കില്ല എന്നതാണ്​ ഇൗ സാമൂഹിക പ്രവർത്തകനെ വ്യത്യസ്​തനാക്കുന്നത്​. നൗഷാദിനെ കൊണ്ട്​ പണിയെടുപ്പിച്ച്​ പേര്​ നേടുന്നവരുണ്ട്​. അവർക്കൊന്നും വഴങ്ങാതെ പൊതുസേവകനായി തുടരാനാണ്​ തനിക്കിഷ്​ടം. പ്രയാസത്തിൽ കഴിയുന്നവരെ ഏതെല്ലാം നിലയിൽ സഹായിക്കാനാവുമെന്ന്​ പഠിച്ചാണ്​ ഇടപെടുക. നടക്കാത്ത കാര്യങ്ങൾ പറഞ്ഞ്​ ആവശ്യക്കാരെ മോഹിപ്പിക്കില്ല.

ഭാഷ കൈകാര്യം ചെയ്യാനുള്ള മിടുക്കും നയതന്ത്രവും ജനങ്ങളെ സേവിക്കാനുള്ള മനസുമാണ്​ കേസുകൾ കൈകാര്യം ചെയ്യുന്നതിലും ലക്ഷ്യത്തിലെത്തിക്കുന്നതിലും സഹായകമാവുന്നത്. എട്ടാം ക്ലാസ് വരെ പഠിച്ചിട്ടുള്ളൂ. സ്വന്തം നിലയിൽ പ്ലംബിഗും വയറിങും പഠിച്ചെടുത്തു.
ഗൾഫിൽ വന്ന കാലത്ത്​ ഭാഷ പഠിക്കാൻ പ്രത്യേകം ശ്രദ്ധിച്ചു. അറബിയും ഇംഗ്ലീഷും ഹിന്ദിയുമൊക്കെ നന്നായി വഴങ്ങിയതോടെ ​പൊതുവായ കാര്യങ്ങളിൽ ഇടപെട്ടുതുടങ്ങി. സ്വിമ്മിംഗ്​ പൂൾ നിർമാണമാണ്​ ജോലി. ഇൗ മേഖലയിൽ കരാർ അടിസ്​ഥാനത്തിൽ ജോലി ഏറ്റെടുത്ത്​ നിർമാണം നടത്തും. കീഴിൽ ജോലിക്കാരുള്ളതിനാൽ മേൽനോട്ടം മതി. അതിനാൽ തന്നെ ഒഴിവുസമയം ധാരാളം ലഭിക്കുന്നു. ഇങ്ങനെ ലഭിക്കുന്ന സമയമാണ്​ മറ്റുള്ളവർക്ക്​ വേണ്ടി ചെലവഴിക്കുന്നതെന്ന്​ നൗഷാദ്​ പറയുന്നു. പല വിമർശനങ്ങളും കേൾക്കേണ്ടി വരാറുണ്ട്​. പക്ഷെ അവിടെയും നയതന്ത്രത്തി​​െൻറ വഴിയാണ്​ നൗഷാദ്​ സ്വീകരിക്കുന്നത്​. കുടുങ്ങിയവരെ രക്ഷിക്കണമെന്ന പാഠം സ്വദേശമായ മമ്പാട്ട്​ നിന്ന്​ ചെറുപ്പത്തിലേ പഠിച്ചതാണ്. പരേതരായ കാ​മ്പ്രത്ത്​ കുഞ്ഞിക്കമ്മുവി​​െൻറയും മറിയുമ്മയുടെയുമ മകനാണ് നൗഷാദ്​​. ഭാര്യ: ലുബ്​ന. മക്കൾ: മിഷാൽ, ബയാൻ. ഫോൺ: 0551849848.