റിയാദ്: മൂന്ന് പതിറ്റാണ്ട് കാലത്തെ പ്രവാസം അവസാനിപ്പിച്ച് നാട്ടിലേക്ക് കുടുംബത്തോടൊപ്പം മടങ്ങുന്ന മുക്കം ഏരിയ സർവിസ് സൊസൈറ്റി (മാസ്) റിയാദ് എക്സിക്യൂട്ടിവ് അംഗവും കൊടിയത്തൂർ സ്വദേശിയുമായ കെ.ടി. സാദിഖിന് യാത്രയയപ്പ് നൽകി. സംഘടനയുടെ തുടക്കം മുതൽ സഹകാരിയും ഭാരവാഹിയുമായും പ്രവർത്തിച്ചുവന്ന അദ്ദേഹത്തിന് മലസിലെ മസാല സോൺ ഓഡിറ്റോറിയത്തിൽ നടന്ന ചടങ്ങിലാണ് പ്രവർത്തകർ യാത്രയയപ്പ് നൽകിയത്. കോവിഡ് മാനദണ്ഡങ്ങൾ പാലിച്ച് നടന്ന ചടങ്ങിൽ കെ.ടി. ഉമർ ഉപഹാരം സമ്മാനിച്ചു.
ഭാരവാഹികളായ കെ.സി. ഷാജു, അശ്റഫ് മേച്ചീരി, കെ.പി. ജബ്ബാർ, എ.കെ. മുസ്തഫ, സി.കെ. ഷരീഫ്, ടി.കെ. സുബൈർ, ഫൈസൽ നെല്ലിക്കാപറമ്പ്, യതി മുഹമ്മദ്, സലാം പേക്കാടൻ, ഷമീൽ കക്കാട്, നിഷാദ്, എം.കെ. മുസ്തഫ, സഫർ തുടങ്ങിയവർ സംബന്ധിച്ചു. 28 വർഷം സാച്ചി ആൻഡ് സാച്ചി കമ്പനിയിൽ ഫിനാൻസ് മാനേജറായി ജോലി ചെയ്യുകയായിരുന്നു. ഭാര്യ ഫാത്തിമ സമീറ റിയാദിലെ ന്യൂ മിഡിലീസ്റ്റ് ഇന്ത്യൻ സ്കൂളിലെ ഫിസിക്സ് അധ്യാപികയാണ്. മക്കൾ: വിദ്യാർഥികളായ അമൽ ആയിശ, അഖിൽ അലി, അസിൽ അലി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.