ജിദ്ദ: ജിദ്ദയിൽ നടന്ന ഡബ്ല്യു.ഡബ്ല്യു.ഇ ഗ്രേറ്റസ്റ്റ് റോയൽ റംബ്ൾ മത്സരത്തിൽ ബ്രൗൺ സ്ട്രോമാന് കിരീടം. വാശിയും ആവേശവും നിറഞ്ഞ മത്സരത്തിനൊടുവിൽ 49 അന്താരാഷ്ട്ര െറസ്ലിങ് താരങ്ങളിൽ നിന്നാണ് ബ്രൗൺ സ്ട്രോമാൻ കിരീടം ചൂടിയത്. സ്പോർട്സ് ജനറൽ അതോറിറ്റി ചെയർമാൻ തുർക്കി ബിൻ അബ്ദുൽ മുഹ്സിൻ ആലുശൈഖ് ബ്രൗണിനെ കിരീടമണിയിച്ചു.
വെള്ളിയാഴ്ച രാത്രിയാണ് ജിദ്ദയിലെ കിങ് അബ്ദുല്ല സ്പോർട്സ് സിറ്റിയിൽ റോയൽ റംബ്ൾ മത്സരം അരങ്ങേറിയത്. 60,000 ത്തിൽ അധികമാളുകളാണ് മത്സരം കാണാനെത്തിയത്. ആദ്യമായാണ് ഇങ്ങനെയൊരു മത്സരം ജിദ്ദയിൽ അരങ്ങേറിയത്. ഡബ്ല്യു.ഡബ്ല്യു.ഇ ഗ്രേറ്റസ്റ്റ് റോയൽ റംബ്ൾ മത്സരം ജിദ്ദയിൽ സംഘടിപ്പിക്കാൻ കഴിഞ്ഞതിൽ അതിയായ സന്തോഷമുണ്ടെന്ന് സ്പോർട്സ് അതോറിറ്റി ചെയർമാൻ പറഞ്ഞു.
രാജ്യത്ത് അന്താരാഷ്ട്ര നിലവാരത്തിലുള്ള വലിയ കായിക മത്സരങ്ങൾ സംഘടിപ്പിക്കാൻ കഴിയുമെന്നതിനുള്ള തെളിവു കൂടിയാണിത്. നിരവധി പരിപാടികൾ സ്പോർട്സ് അതോറിറ്റി സംഘടിപ്പിച്ചിട്ടുണ്ട്. വേൾഡ് റസ്ലിങ് എൻറർടെൻമെൻറ് പരിപാടികൾ ഇനിയും തുടരും. നവംബറിൽ റിയാദിൽ ഒരു പരിപാടി അരങ്ങേറുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.