കാലാവസ്​ഥ വ്യതിയാനം ഒരാഴ്​ച കൂടി നീളും

ജിദ്ദ: സൗദിയിലെ ചില മേഖലകളിൽ തുടരുന്ന കാലാവസ്​ഥ വ്യതിയാനം ഒരാഴ്​ച കൂടി തുടരുമെന്ന്​​​ കാലാവസ്​ഥ വിദഗ്​ധർ. കഴിഞ്ഞയാഴ്​ച മുതലാണ്​ വിവിധ മേഖലകളിൽ കാലാവസ്​ഥയിൽ മാറ്റം അനുഭവപ്പെട്ടത്​. ശൈത്യം ആരംഭിക്കുന്നതി​​​െൻറ മുന്നോടിയായാണിതെന്നാണ് റിപ്പോർട്ട്​​. മക്ക, മദീന, അസീർ, ത്വാഇഫ്​, കിഴക്കൻ മേഖല തുടങ്ങിയ മേഖലകളുടെ പല ഭാഗങ്ങളിൽ സാമാന്യം നല്ല മഴയാണ്​ ലഭിച്ചത്​. ചിലയിടങ്ങളിൽ ഇടിയും കാറ്റും ആലിപ്പഴവർഷവുമുണ്ടായി. മക്ക, മദീന, ഹാഇൽ, ഖസീം, തെക്ക്​ പടിഞ്ഞാറ്​ ഭാഗത്തെ ഉയർന്ന പ്രദേശങ്ങളിലും ഇൗ ആഴ്​ചകൂടി മഴക്ക്​ സാധ്യതയുണ്ടെന്നാണ്​ റിപ്പോർട്ട്​. ഇതേ തുടർന്ന്​ അതാതു മേഖല സിവിൽ ഡിഫൻസ്​ കാര്യാലയം ആവശ്യമായ മുൻകരുതലെടുക്കാനും വെള്ളപ്പൊക്ക സാധ്യതയുള്ള സ്​ഥലങ്ങളിൽ നിന്ന്​ അകന്ന്​ കഴിയാനും​ സ്വദേശികളോടും വിദേശികളോടും ഉണർത്തിയിട്ടുണ്ട്​.

കാലാവസ്​ഥ സംബന്ധിച്ച അറിയിപ്പുകൾ അപ്പപ്പോൾ കാലാവസ്​ഥ വകുപ്പ്​ അറിയിക്കുന്നുണ്ട്​. അറിയിപ്പുകളും നിർദേശങ്ങളും ശ്രദ്ധിച്ചുകൊണ്ടിരിക്കണമെന്നും ഉണർത്തിയിട്ടുണ്ട്​.​അതേ സമയം, വെള്ളിയാഴ്​ചയും മക്കയുടെയും ത്വാഇഫി​​​െൻറ വിവിധ ഭാഗങ്ങളിൽ സമാന്യം നല്ല മഴയാണ്​ ഉണ്ടായത്​. ത്വാഇഫിൽ മഴയെ തുടർന്ന്​ ടൂറിസ്​റ്റ്​ റിസോർട്ടിൽ കുടുങ്ങിയ 20 പേരെ സിവിൽ ഡിഫൻസ്​ ഒഴിപ്പിച്ചു. റിസോർട്ടിനു ചുറ്റുമുണ്ടായ വെള്ളക്കെട്ടിൽ നിന്ന്​ വെള്ളം തിരിച്ചുവിടുന്ന ശ്രമം പരാജയപ്പെട്ടപ്പോഴാണ്​ അകത്തുള്ളവരെ സിവിൽ ഡിഫൻസ്​ ഒഴിപ്പിച്ചത്​. വെള്ളിയാഴ്​ച കനത്ത മഴയാണ്​ ത്വാഇഫിലെ അൽകറ, അൽഹദ, ശഫാ, സൈൽകബീർ തുടങ്ങിയ സ്​ഥലങ്ങളിലുണ്ടായതെന്ന്​ ത്വാഇഫ്​ സിവിൽ ഡിഫൻസ്​ വക്​താവ്​ കേണൽ നാസ്വിർ ശരീഫ്​ പറഞ്ഞു. മുൻകരുതലെന്നോണം ജബൽകറാ റോഡും മുഹമ്മദിയ ചുരവും അടച്ചിരുന്നു.

വെള്ളക്കെട്ടിൽ നാല്​ വാഹനങ്ങൾ കുടുങ്ങി. സിവിൽ ഡിഫൻസെത്തിയാണ് ​വാഹനത്തിലുണ്ടായിരുന്ന 20 പേരെ രക്ഷപ്പെടുത്തിയത്​. ചില വീടുകളിൽ ഷോ​ക്കേറ്റ സംഭവങ്ങളുണ്ടായി. ആർക്കും പരിക്കില്ലെന്നു സിവിൽ ഡിഫൻസ്​ വക്​താവ്​ പറഞ്ഞു.
മക്കയിൽ വെള്ളിയാഴ്​ചയുണ്ടായ മഴയെ തുടർന്ന്​ വിവിധ ഭാഗങ്ങളിൽ കുടുങ്ങിയ 30 ഒാളം പേരെ സിവിൽ ഡിഫൻസ്​ രക്ഷപ്പെടുത്തി. ഹയ്യ്​ ഹസീനിയയിൽ ഇസ്​തിറാഹകളിൽ കുടുങ്ങിയവരാണിവർ. റാഷിദിയ, ശറാഅ എന്നിവിടങ്ങളിൽ ആളുകളിൽ കുടുങ്ങിയ സംഭവമുണ്ടായി. ജെ.സി.ബി പോലുള്ള വാഹനങ്ങളിലാണ്​ ആളുകളെ രക്ഷപ്പെടുത്തിയത്​.