തമിഴ്നാട് തൗഹീദ് ജമാഅത്ത് റിയാദ് കിങ് ഫഹദ് ആശുപത്രിയിൽ സംഘടിപ്പിച്ച രക്തദാന ക്യാമ്പിൽ പങ്കെടുത്തവർ
റിയാദ്: ഇന്ത്യൻ റിപ്പബ്ലിക് ദിനാഘോഷങ്ങളുടെ ഭാഗമായി തമിഴ്നാട് തൗഹീദ് ജമാഅത്ത് (ടി.എൻ.ടി.ജെ) റിയാദ് റീജ്യൻ 147ാമത് രക്തദാന ക്യാമ്പ് സംഘടിപ്പിച്ചു. കിങ് ഫഹദ് ആശുപത്രിയിൽ രാവിലെ ഒമ്പതിന് ആരംഭിച്ച ക്യാമ്പ് വൈകുന്നേരം നാല് വരെ നീണ്ടുനിന്നു. ക്യാമ്പിൽ 67ലധികം പേർ രക്തം നൽകാനായി എത്തിയതിൽ നിന്ന് 40 യൂനിറ്റ് രക്തം ശേഖരിക്കാൻ സാധിച്ചു. കഴിഞ്ഞ രണ്ട് പതിറ്റാണ്ടിലേറെയായി സൗദിയിലെ സർക്കാർ ആശുപത്രികളുമായി സഹകരിച്ച് അടിയന്തര രക്തദാന പ്രവർത്തനങ്ങളിലും മൊബൈൽ രക്തദാന ക്യാമ്പുകളിലും ടി.എൻ.ടി.ജെ മുൻപന്തിയിലുണ്ടെന്ന് വാർത്തക്കുറിപ്പിൽ പറഞ്ഞു.
രക്തത്തിന് വലിയ ആവശ്യകത നേരിടുന്ന സമയങ്ങളിൽ ആരോഗ്യ സംരക്ഷണ സംവിധാനങ്ങളെ പിന്തുണയ്ക്കുന്നതിൽ ഇത്തരം പ്രവർത്തനങ്ങൾ നിർണായക പങ്കുവഹിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.