ജിദ്ദ: റിയാദിൽ വീണ്ടും പുതിയ രോഗികൾ വർധിച്ചു. പ്രവിശ്യയിൽ ഇന്ന് 328 കേസുകൾ റിപ്പോർട്ട് ചെയ്തു. രാജ്യത്താകെ ഇന്ന് 1,277 പുതിയ രോഗികളും 1,080 രോഗമുക്തിയും റിപ്പോർട്ട് ചെയ്തു. ഇതോടെ രാജ്യത്താകെ കോവിഡ് രോഗികളുടെ എണ്ണം 4,95,309 ഉം ആകെ രോഗമുക്തരുടെ എണ്ണം 4,75,448 ഉം ആയി.
16 കോവിഡ് മരണങ്ങളും ഇന്ന് റിപ്പോർട്ട് ചെയ്തു. ഇതോടെ ആകെ മരിച്ചവരുടെ എണ്ണം 7,907 ആയി. വിവിധ ആശുപത്രികളിലും മറ്റുമായി കോവിഡ് ചികിത്സയിലുള്ളവരുടെ എണ്ണം 11,954 ആണ്. ഇവരിൽ 1,363 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.60 ശതമാനവുമാണ്.
വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 328, കിഴക്കൻ പ്രവിശ്യ 264, മക്ക 240, അസീർ 134, നജ്റാൻ 88, ജീസാൻ 59, വടക്കൻ അതിർത്തി മേഖല 50, മദീന 35, അൽ ഖസീം 27, അൽബാഹ 18, തബൂക്ക് 18, ഹാഇൽ 8, അൽ ജൗഫ് 8.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.