വേൾഡ് മലയാളി ഫെഡറേഷൻ ഒമാൻ സംഘടിപ്പിച്ച വാക്കത്തൺ
മസ്കത്ത്: വേൾഡ് മലയാളി ഫെഡറേഷൻ (ഡബ്ല്യു.എം.എഫ്) മിഡിൽ ഈസ്റ്റ് റീജനൽ ഹെൽത്ത് ഫോറം ‘എല്ലാവർക്കും ആരോഗ്യം’ എന്ന പദ്ധതിയുടെ ഭാഗമായി കിംസ് ഹെൽത്ത് ഗ്രൂപ്പുമായി സഹകരിച്ച് വാക്കത്തൺ സംഘടിപ്പിച്ചു. ശാത്തി ഖുറം ബീച്ചിൽ സംഘടിപ്പിച്ച വാക്കത്തണിൽ 200ഓളം പേർ പങ്കെടുത്തു.
വേൾഡ് മലയാളി ഫെഡറേഷൻ ഗ്ലോബൽ ചെയർമാൻ ഡോ. ജെ.രത്നകുമാർ ഉദ്ഘാടനം ചെയ്തു. ഡബ്ല്യു.എം.എഫ് മിഡിൽ ഈസ്റ്റ് റീജനൽ ഹെൽത്ത് ഫോറം കോഒാഡിനേറ്റർ ഡോ. ലാൽ കൃഷ്ണ, ആരോഗ്യം പ്രോത്സാഹിപ്പിക്കുന്നതിൽ നടത്തത്തിന്റെ പ്രാധാന്യത്തെക്കുറിച്ച് സംസാരിച്ചു.
ആരോഗ്യ അവബോധം സൃഷ്ടിക്കുന്നതിനായി ഇത്തരം പരിപാടികൾ നടത്തേണ്ടതിന്റെ പ്രാധാന്യത്തെക്കുറിച്ച് മസ്കത്ത് കിംസ് ഹെൽത്ത് ഹോസ്പിറ്റൽ സി.ഇ.ഒ ഡോ. സാമന്തി ഡിസിൽവ സംസാരിച്ചു. ഒമാൻ ദേശീയ പ്രസിഡന്റ് ജോർജ്ജ് പി രാജൻ സ്വാഗതം പറഞ്ഞു. ഡബ്ല്യ.എം.എഫ് നാഷനൽ കോഒാർഡിനേറ്റർ സുനിൽ കുമാർ, സെക്രട്ടറി ഷൈക് റഫീഖ്, ട്രഷറർ ജോസഫ് എന്നിവർ നേതൃത്വം നൽകി. പങ്കെടുത്ത എല്ലാവർക്കും ടി ഷർട്ടും നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.