മസ്കത്ത്: സ്റ്റഡി ഇൻ ഇന്ത്യ എക്സ്പോ ഡിസംബർ അഞ്ച്, ആറ് തീയതികളിൽ മസ്കത്തിലും ഡിസംബർ എട്ടിനു സുഹാറിലും നടക്കും. ഇന്ത്യയിലെ നാൽപതിലേറെ സർവകലാശാലകളും ബോർഡിങ് സ്കൂളുകളും എക്സ്പോയിൽ പങ്കെടുക്കും.
സിംബയോസിസ്, മണിപ്പാൽ, വി.ഐ.ടി, എസ്.ആർ.എം തുടങ്ങിയ ഇന്ത്യയിലെ മുൻ നിരയിലുള്ള കോളജുകൾ പങ്കെടുക്കും. കുട്ടികൾക്ക് സൗജന്യമായി കൗൺസിലിങ് അഭിരുചി പരീക്ഷ തുടങ്ങിയവയും എക്സ്പോയുടെ ഭാഗമായി ഒരുക്കുന്നുണ്ട്.
ഡിസംബർ അഞ്ചിനു അൽ ഫലാജ് ഹോട്ടലിൽ നടക്കുന്ന ചടങ്ങിൽ ഇന്ത്യൻ അംബാസഡർ ജി.വി. ശ്രീനിവാസ് എക്സ്പോ ഉദ്ഘാടനം ചെയ്യും. ഡിസംബർ അഞ്ച്, ആറ് തീയതികളിൽ റൂവിയിലെ അൽ ഫലാജ് ഹോട്ടലിലും ഡിസംബർ എട്ടിന് സുഹാറിലെ റാഡിസൺ ബ്ലൂ ഹോട്ടലിലുമാണ് എക്സ്പോ നടക്കുകയെന്ന് സംഘാടകർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.