കോർണിഷ് മലയാളി അസോസിയേഷന്റെ നേതൃത്വത്തിൽ നടന്ന ക്വിസ് മത്സരവും അനുമോദനവും
സുഹാർ: കോർണിഷ് മലയാളി അസോസിയേഷൻ ക്വിസ് മത്സരവും ഉന്നത വിജയം നേടിയ കുട്ടികൾക്ക് അനുമോദനവും സംഘടിപ്പിച്ചു.സുഹാർ സൺ ലൈറ്റ് റസ്റ്റാറന്റ് ഹാളിൽ നടന്ന പരിപാടി എഴുത്തുകാരനും സാമൂഹിക പ്രവർത്തകനുമായ ഹാറൂൺ റഷീദ് ഉദ്ഘാടനം ചെയ്തു.കേരള യൂനിവേഴ്സിറ്റി ബികോം പരീക്ഷയിൽ നാലാം റാങ്ക് നേടിയ അക്സ ആൻ തോമസ്, പ്ലസ്.ടുവിന് ഉന്നത വിജയം കരസ്ഥമാക്കിയ അലൻ കെ ബിജു, ഇന്ത്യൻ സ്കൂൾ സുഹാർ വൈസ് ക്യാപ്റ്റനായി തിരഞ്ഞെടുക്കപ്പെട്ട ആയിഷ ഹനാൻ, സ്കൂൾ സ്പോർട്സ് ഹൗസ് വൈസ് ക്യാപ്റ്റനായി തെരഞ്ഞെടുക്കപ്പെട്ട നിഷാൻ ആസിഫ് എന്നിവരെ സാമൂഹിക പ്രവർത്തകരായ ഹാറൂൺ റഷീദ്, കെ.വി. രാജേഷ് , സിറാജ് തലശ്ശേരി, ഷാജി ലാൽ എന്നിവർ മൊമെന്റോകൾ നൽകി അനുമോദിച്ചു.
തുടർന്ന് നടന്ന ക്വിസ് മത്സരത്തിൽ ഷിനാസിൽനിന്നുള്ള ഷാജിലാൽ ഒന്നാം സമ്മാനവും ഡോ.ക്ടർ ആസിഫ് അബ്ദുൽ ഹമീദ് രണ്ടാം സ്ഥാനവും,രിജിലേഷ് മൂന്നാം സ്ഥാനവും കരസ്ഥമാക്കി. വിജയികൾക്ക് സെക്രട്ടറി ഹാഷിഫ്, ഡോക്ടർ. സബീഹ അക്ബർ, മണികണ്ഠൻ എന്നിവർ സമ്മാനദാനം നടത്തി. ജയൻ എടപ്പറ്റയുടെ അധ്യക്ഷതവഹിച്ച. കെ.വി. രാജേഷ്, സിറാജ് തലശ്ശേരി എന്നിവർ സംസാരിച്ചു.ആഷിഫ് സ്വാഗതവും ഷിജു പൗലോസ് നന്ദിയും പറഞ്ഞു. തുടർന്ന് കോർണീഷ് മലയാളി അസോസിയേഷൻ അംഗങ്ങളുടെ വിവിധ കലാപരിപാടികൾ അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.