ഇബ്രി: ഇബ്രി മലയാളി അസോസിയേഷനും (ഇമ) ഗ്രാൻഡ് ഹൈപ്പർമാർക്കറ്റും സംയുക്തമായി ഇബ്രി സൂഖ് റോഡിലുള്ള ഗ്രാൻഡ് ഹൈപ്പർമാർക്കറ്റിൽ നോർക്കയിലും, പ്രവാസി ക്ഷേമനിധിയിലും രജിസ്റ്റർ ചെയ്യാത്തവർക്കായി ക്യാമ്പ് സംഘടിപ്പിച്ചു .നിരവധി പേർ പങ്കെടുത്ത രജിസ്ട്രേഷൻ ക്യാമ്പ് ഇബ്രി ഗ്രാൻഡ് ഹൈപ്പർ മാർക്കറ്റ് മാനേജർ ഷമീർ ഉദ്ഘാടനം ചെയ്തു. ഇമയുടെ പ്രസിഡന്റ് ജമാൽ ഹസ്സൻ പങ്കെടുത്തവർക്ക് നിർദ്ദേശം നൽകി.
ആളുകളിൽ ഉണ്ടായ സംശയങ്ങളും ഒരു പരിധി വരെ പരിഹരിക്കാൻ കഴിഞ്ഞു. സമയക്കുറവ് മൂലം പലർക്കും രജിസ്റ്റർ ചെയ്യാൻ കഴിയാതെ വന്നതു കൊണ്ട് ക്യാമ്പ് ഇനിയും നടത്തുമെന്ന് അദ്ദേഹം പറഞ്ഞു. സൗമ്യ അരുൺ നേതൃത്വം നൽകിയ ക്യാമ്പിൽ കാൾട്ടൻ അസീസ്, ജോസഫ് മൈക്കിൾ, നിതിൻ പ്രകാശ് എന്നിവർ പങ്കെടുത്തു. ഇമയുടെ സെക്രട്ടറി വിപിൻ വിൻസെന്റ് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.