ഗാല ഏരിയ എസ്.ഐ.സി ആൻഡ് എസ്.കെ.എസ്.എസ്. എഫ് സംഘടിപ്പിച്ച ഇഫ്താർ
വിരുന്നിൽനിന്ന്
മസ്കത്ത്: ഗാല ഏരിയ എസ്.ഐ.സി ആൻഡ് എസ്.കെ.എസ്.എസ്.എഫ് മജ്ലിസുന്നൂർ വാർഷികവും ഇഫ്താർ വിരുന്നും സംഘടിപ്പിച്ചു. എസ്.ഐ.സി നാഷനൽ കമ്മിറ്റി ജനറൽ സെക്രട്ടറി ശുകൂർ ഹാജി ഉദ്ഘാടനം ചെയ്തു. ഗാല കെ.എം.സി.സി ഓഫിസിൽ നടന്ന ചടങ്ങിൽ എസ്.കെ.എസ്.എസ്.എഫ് അസിമാ മേഖല പ്രസിഡന്റ് അബ്ദുല്ലാ യമാനി മുഖ്യ പ്രഭാഷണം നടത്തി. ഗാല ഏരിയ പ്രസിഡന്റ് ബഷീർ ഗാല അധ്യക്ഷതവഹിച്ചു. എസ്.ഐ.സി കെ.എം.സി.സി ഗാല പ്രസിഡന്റ് മജീദ് , മസ്കത്ത് എസ്.കെ.എസ്.എസ്.എഫ് തൃശൂർ ജില്ല പ്രസിഡന്റ് വാഹിദ് സാഹിബ് എന്നിവർ സംസാരിച്ചു. മോയിൻ ഫൈസിയുടെ
നേതൃത്വത്തിൽ നടന്ന മജ്ലിസുന്നൂർ സദസ്സിനും പൊതു ചടങ്ങിനും ശേഷം വിപുലമായ ഇഫ്താർ വിരുന്നും നടന്നു. എസ്.ഐ.സി റമദാൻ കാമ്പയിൻ ഗാല ഏരിയയിൽനിന്നുള്ള പ്രവർത്തന ഫണ്ട് നാഷനൽ കമ്മിറ്റി ജനറൽ സെക്രട്ടറി ശുകൂർ ഹാജി, കെ.എം.സി.സി ഗാല പ്രസിഡന്റ് മജീദ്, ജമാൽ ഹമദാനി, മോയിൻ ഫൈസി, ബഷീർ ഗാല, എ.പി.സിദ്ദീഖ്, എ. അൻവർ എന്നിവരുടെ സാന്നിധ്യത്തിൽ ഗാല ഏരിയ പ്രസിഡന്റ് അബ്ദുല്ല എസ്.ഐ.സി എക്സിക്യൂട്ടിവ് മെംബർ അബ്ദുല്ല യമാനിക്കു കൈമാറി.
അസിമാ മേഖല എസ്.കെ.എസ്.എസ്.എഫ് തുടങ്ങുന്ന പൊതു ലൈബ്രറിയിലേക്ക് കമറുദ്ദിൻ വാഫി എഴുതിയ പുസ്തകം ഷബീർ പാറാട് സംഭവന ചെയ്തു. പുസ്തകം മസ്കത്ത് എസ്.കെ.എസ്.എസ്.എഫ് തൃശൂർ ജില്ല പ്രസിഡന്റ് വാഹിദ് അസിമാ മേഖല പ്രസിഡന്റ് അബ്ദുല്ലാ യമാനിക്കു കൈമാറി. എസ്.കെ.എസ്.എസ്.എഫ് ഗാല ഏരിയ സെക്രട്ടറി എ.പി. സിദ്ദീഖ് സ്വാഗതവും ട്രഷറർ അബ്ദുൽ ഗഫൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.