മസ്കത്ത്: ഇന്ത്യൻ സോഷ്യൽ ക്ലബ് ഒമാൻ കേരള വിഭാഗത്തിന്റെ ഈ വർഷത്തെ യുവജനോത്സവ മത്സരങ്ങൾക്ക് വെള്ളിയാഴ്ച്ച തുടക്കമാകും.
ദാർസൈതിലുള്ള ഇന്ത്യൻ സോഷ്യൽ ക്ലബ് ഹാളുകളിൽ മേയ് 17,18, 24,25 തീയതികളിലായാണ് മത്സരങ്ങൾ നടക്കുക.ഭരതനാട്യം, മോഹിനിയാട്ടം, കേരളനടനം, കുച്ചിപ്പുടി, ഒപ്പന, തിരുവാതിരക്കളി,നാടോടി നൃത്തം, സംഘനൃത്തം, സിനിമ ഗാനാലാപനം, കവിതാലാപനം, നാടൻപാട്ട്, മാപ്പിളപ്പാട്ട്, സംഘഗാനം, കഥാപ്രസംഗം, മോണോ ആക്ട്, കീ ബോർഡ്, പ്രച്ഛന്ന വേഷം, ക്ലാസിക്കൽ മ്യൂസിക് എന്നീ വിഭാഗങ്ങളിലായാണ് കലാമത്സരങ്ങൾ അരങ്ങേറുക.ഈ വർഷം ക്ലാസിക്കൽ ഗ്രൂപ് ഡാൻസ്, മാർഗംകളി, ടാേബ്ലാ എന്നിവയും ഉൾപ്പെടുത്തിയിട്ടുണ്ട്. കൂടാതെ മലയാളത്തിലും ഇംഗ്ലീഷിലും പ്രസംഗമത്സരങ്ങളും നടക്കും.
കേരള വിഭാഗത്തിന്റെ രൂപവത്കരണം മുതൽ എല്ലാ വർഷവും സംഘടിപ്പിച്ചു വരുന്ന യുവജനോത്സവത്തിന് ഈ വർഷവും മികച്ച പ്രതികരണമാണ് ലഭിച്ചിട്ടുള്ളത്. ആയിരത്തിലധികം പേരാണ് വിവിധയിനങ്ങളിൽ പങ്കെടുക്കാൻ പേര് നൽകിയിട്ടുള്ളത്.വിവരങ്ങൾക്ക് 97881264, 92696550, 98962424 എന്നീ നമ്പറുകളിൽ ബന്ധപ്പെടാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.