മസ്കത്ത്: ബർക്ക ബദർ അൽ സമ ആശുപത്രിയിലും ഖസ്സാനിലെ ബദർ അൽ സമാ പോളിക്ലിനിക്കിലും രക്തദാന ക്യാമ്പ് സംഘടിപ്പിച്ചു. കോർപറേറ്റ് സാമൂഹിക ഉത്തരവാദിത്ത പരിപാടിയുടെ ഭാഗമായാണ് ക്യാമ്പ് ഒരുക്കിയത്. റുസ്താഖ് റീജനൽ രക്തബാങ്കിെൻറ സഹകരണത്തോടെ ബർക്ക ആശുപത്രിയുടെ കോൺഫറൻസ് ഹാളിലാണ് ക്യാമ്പ് നടന്നത്. 75 പേർ രക്തം ദാനം ചെയ്യാനെത്തി. ആശുപത്രിയിലെ ഡോക്ടർമാരും ജീവനക്കാരും ഉൾപ്പെടെ രക്തദാതാക്കളായി.
നിസ്വ സർക്കാർ ആശുപത്രിയിലെ രക്തബാങ്കിെൻറ സഹകരണത്തോടെയാണ് ഖസ്സാൻ പോളിക്ലിനിക്കിൽ ക്യാമ്പ് സംഘടിപ്പിച്ചത്. 60 പേർ രക്തം ദാനം ചെയ്തു. പോളിക്ലിനിക്ക് ജീവനക്കാർ, കൺസോളിഡേറ്റഡ് കോൺട്രാക്ടേഴ്്സ് കമ്പനി, ബ്രിട്ടീഷ് പെട്രോളിയം, പെട്രോഫാക്ക് എന്നിവിടങ്ങളിലെ ജീവനക്കാരാണ് ദാതാക്കളായത്. സജീവ രക്തദാതാക്കളുടെ എണ്ണത്തിലെ കുറവ്, വർധിച്ചുവരുന്ന രക്തത്തിെൻറ ആവശ്യകതയെ ബാധിക്കുന്നുണ്ടെന്ന് ബദർ അൽ സമ ഡയറക്ടർമാരായ പി.എ. മുഹമ്മദ്, ഡോ. വി.ടി. വിനോദ്, അബ്ദുല്ലത്തീഫ് എന്നിവർ പറഞ്ഞു. രക്തബാങ്കുകളിൽ ആവശ്യത്തിന് രക്തലഭ്യത ഉറപ്പാക്കുന്നതിെൻറ ഭാഗമാണ് ക്യാമ്പുകളെന്നും അവർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.