യൂത്ത് ഇന്ത്യ കുവൈത്തിന്റെ ‘യൂത്ത് കോൺഫറൻസ് 2022’ ലോഗോ പ്രകാശനം
കുവൈത്ത് സിറ്റി: യൂത്ത് ഇന്ത്യ കുവൈത്ത് 'യൂത്ത് കോൺഫറൻസ് 2022' ലോഗോ പ്രകാശനം യൂത്ത് ഇന്ത്യ രക്ഷാധികാരിയും കെ.ഐ.ജി പ്രസിഡന്റുമായ പി.ടി. ശരീഫ് നിർവഹിച്ചു.
ഐഡിയൽ ഓഡിറ്റോറിയത്തിൽ നടന്ന ലോഗോ പ്രകാശനസംഗമത്തിന് യൂത്ത് ഇന്ത്യ പ്രസിഡന്റ് മഹനാസ് മുസ്തഫ, കെ.ഐ.ജി ജനറൽ സെക്രട്ടറി ഫിറോസ് ഹമീദ്, യൂത്ത് ഇന്ത്യ ജനറൽ സെക്രട്ടറി സിജിൽ ഖാൻ, ട്രഷറർ മുഹമ്മദ് ഫഹീം, ഹശീബ്, അലി അക്ബർ, ഉസാമ എന്നിവർ നേതൃത്വം നൽകി. നവംബർ നാലിന് മഹ്ബൂല ഇന്നോവ ഓഡിറ്റോറിയത്തിലാണ് യൂത്ത് കോൺഫറൻസ്. നാട്ടിലെയും കുവൈത്തിലെയും പ്രമുഖ വ്യക്തികൾ പരിപാടിയിൽ സംബന്ധിക്കും.
സമ്മേളനത്തോടനുബന്ധിച്ച് ഏരിയ സമ്മേളനങ്ങൾ, കരിയർ പരിപാടികൾ, ബിസിനസ് മീറ്റുകൾ, സേവനപ്രവർത്തനങ്ങൾ, വിദ്യാർഥി സംഗമം, കുടുംബസംഗമം തുടങ്ങിയ പരിപാടികൾ നടക്കുമെന്ന് യൂത്ത് കോൺഫറൻസ് കൺവീനർ മുഹമ്മദ് ഫഹീം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.