വിശ്വകല-2022ന്റെ ഫ്ലയർ സരിത രാജൻ റിജു നാരാമ്പ്രത്തിന് നൽകി പ്രകാശനം ചെയ്യുന്നു
കുവൈത്ത് സിറ്റി: വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) 18ാം വാർഷികത്തോടനുബന്ധിച്ച് സംഘടിപ്പിക്കുന്ന 'വിശ്വകല-2022'ന്റെ ഫ്ലയർ പ്രകാശനം ചെയ്തു. അബ്ബാസിയ പോപ്പിൻസ് ഓഡിറ്റോറിയത്തിൽ നടന്ന ചടങ്ങിൽ പ്രോഗ്രാം ആർട്സ് കൺവീനർ സരിത രാജൻ മൂകാംബിക ജ്വല്ലറി മാനേജിങ് ഡയറക്ടർ റിജു നാരാമ്പ്രത്തിന് ഫ്ലയർ നൽകി പ്രകാശനം ചെയ്തു.
ആക്ടിങ് പ്രസിഡൻറ് പ്രമോദ് കക്കോത്ത് അധ്യക്ഷത വഹിച്ചു. ചെയർമാൻ പി.ജി. ബിനു 'വിശ്വകല-2022' പരിപാടികളെക്കുറിച്ച് വിശദീകരിച്ചു. ഈമാസം 16ന് വൈകീട്ട് മൂന്നു മുതൽ അബ്ബാസിയ ഓക്സ്ഫോർഡ് പാകിസ്താനി ഇംഗ്ലീഷ് സ്കൂളിലാണ് പരിപാടി. നാട്ടിൽനിന്ന് പ്രമുഖ കലാകാരന്മാർ പങ്കെടുക്കുമെന്ന് ഭാരവാഹികൾ അറിയിച്ചു. ജനറൽ സെക്രട്ടറി കെ. ബിബിൻദാസ് സ്വാഗതവും ട്രഷറർ കെ. ഗോപിനാഥൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.